Við höfum orðið vör við vitundarvakningu í þjóðfélaginu, umræðan um einelti er að breytast. Við getum öll breytt einhverju hjá okkur og hjá fólkinu í kring um okkur til að láta öðrum líða betur og við verðum að gera það.
Það starf sem hefur verið unnið til þessa í eineltismálum er unnið af hugsjón fólks sem lætur sig málið varða og er ekki sama um það ástand sem hefur fengið að viðgangast í þjóðfélaginu.
Heimili og skóli og Saft verkefnið hafa nú gefið út glæsilegan, upplýsandi eineltisbækling fyrir foreldra sem heitir Ráð til foreldra. Með afhendingu fyrstu eintakanna í Austurbæjarskóla 27. Október hófu þau átak í eineltismálum skólaárið 2009 - 2010 undir yfirskriftinni Stoppum einelti strax. Starfsfólk Heimilis og skóla og Saft eiga heiður skilið fyrir útgáfu bæklingsins og allt það starf til eineltismála sem þau hafið lagt af mörkum í gegnum árin og það sem er framundan.
Samkoman markaði ákveðin tímamót í forvarnar- og eineltisstarfi - Átaki gegn einelti.
Það varð fljótlega fullt starf hjá okkur og rúmlega það þegar við fórum af stað fyrir um 16 mánuðum síðan að sinna öllum þeim fjölda eineltismála sem bárust inn til okkar frá fólki sem var í vanda sjálft eða vegna vanda barna sinna.
Á sama tíma streymdi til okkar fólk úr öllum áttum sem vildi hjálpa og þann 6. Október 2008 stofnuðum við formlega Liðsmenn Jerico og höfum síðan unnið í eineltismálum einstaklinga, veitt fræðslu, opnað upplýsingamiðstöð í formi heimasíðunnar jerico.is.
Farið á fundi ráðuneyta, annarra félaga og stofnana til að reyna að ná fram breytingum í þjóðfélaginu, eineltisþolendum og aðstandendum þeirra til hjálpar. Það er full þörf á úrræðum og verkfærum til að nota fyrir gerendur og þeirra aðstandendur í eineltismálum sem komin eru í strand. Í dag er þetta mikilvæga atriði veikasti hlekkurinn í öllu þessu ferli.
Við viljum sjá að í allri uppeldismenntun sé eineltiskennsla/fræðsla í grunnnámi skylduáfangi.
Barnaverndarnefndir um allt land fái verkfæri til að vinna með gerendur í eineltismálum og fjölskyldur þeirra, að Barnaverndarnefndir fái tilkynningar um gerendur og fjölskyldur þeirra til að vinna með þegar þörf er á.
Gerendurnir eru vandamálið og það þarf að hjálpa þeim að vinna á sínum vanda.
Kynnt var hugmynd 16.06.09 að sérsveit/fagteymi á fundi hjá menntamálaráðuneyti með ráðuneytum, stofnunum, samtökum og félögum allsstaðar að úr íslensku samfélagi.
Fagteymi sem verður að hafa fullt sjálfstæði í vinnubrögðum og með hvaða hætti það velur að vinna í málum enda sérhvert mál sérstakt og útheimtir þar af leiðandi mismunandi útfærslur. Þá erum við að tala um aðstoð fyrir alla þolendur eineltis, sem allir hafi aðgang að og geti leitað til, á landsvísu. (Sjá nánar inni á jerico.is)
Þetta teljum við stuðla að forvörn.
Fullorðnir þolendur eineltisofbeldis eiga sér engan málsvara. Það er enginn sem tekur að sér einstakt mál sem berst til þeirra stofnana sem fólki er þó bent á að snúa sér með úrlausn.
Það batnar ekki þegar þolandi telur í sig kjark til að tilkynna einelti sem hann verður fyrir og fær það svart á hvítu fyrir framan sig að úrlausnaraðilinn sem hann er sendur til kemur til með að taka líka að sér að verja gerandann.
Er hægt að niðurlægja fólk eitthvað frekar? Já með því að sannfæra þolendurna um að þeir eigi ekki möguleika á að vinna málið til þess sé sönnunarbirgði þeirra of mikil.
Við erum til staðar og styðjum við bakið á þolendum eineltis dag hvern. Erum í dag komin með aðstöðu í Brautarholti 4a hjá IOGT undir sama þaki og Fræðsla og forvarnir, Ráðgjafar- og Forvarnaskóli Íslands og hjá okkar eru 8 ráðgjafar með reynslu af einelti á eigin skinni eða barnanna sinna. 7 menntaðir ráðgjafar frá Ráðgjafaskóla Íslands, sem sinna starfi í dag. Auk fjölda annarra fagaðila sem að starfinu koma.
Virk hagsmunasamtök sem þessi verða að vera til, að styrkja þolendur eineltis og aðstandendur þeirra.
Ég hefði þurft á stuðningi þessara samtaka að halda á sínum tíma þegar við Lárus og fjölskyldan gengum okkar þrautagöngu. Það á enginn að þurfa að standa einn í eineltisbaráttunni, í öllum þeim skelfilega sársauka, vanmáttar- og sektarkennd sem því fylgir.
Við vissum að ástand eineltismála var slæmt en við hefði aldrei trúað því hvað beið okkar þegar við fór af stað í upphafi.
Við hefðum aldrei trúað því að svo margt fólk væri eins illa farið andlega og líkamlega vegna afleiðinga eineltis sem það varð fyrir og raun hefur borið vitni.
Að jafn margir foreldrar og aðstandendur væru með þolendur í gjörgæslu allan sólahringinn, dauðhræddir um að sofna á verðinum.
Að svo margir einstaklingar hafi tekið líf sitt eða verið jafn nálægt því að gera það, vegna þess að þeir sáu enga aðra leið út úr sínum stöðuga, nagandi sársauka. Einangraðir í skömm.
Fólk sem gat engum treyst og fannst það einskis virði vegna þess að það var búið að bregðast því of oft. Það særir okkur meira en orð fá lýst.
Ég sakna Lárusar míns meira en orð fá lýst og kvelst yfir því að hafa ekki getað gert nóg, skammast mín fyrir að hafa brugðist honum samt gerði ég allt sem ég hafði kjark, kraft og hugmyndaflug í að gera.
Við erum minnt á það dag hvern hvernig sálarmorð eru framin í skjóli afneitunar. Ekkert barn eða fullorðin manneskja á að þurfa að þola sársauka sem hægt er að komast hjá að þola. Sársauki breytir fólki.
Þegar hringt var í mig og ég upplýst um hvað framundan væri hjá Heimili og skóla og Saft hér í dag og mér boðið að koma, sat ég með eyðublöð fyrir framan mig til útfyllingar fyrir Sóllandskirkjugarð.
Það var komið að því að ganga frá jarðsetningardegi sonar míns en hann mun hvíla í nýja duftgarðinum sem verið var að taka í notkun í Fossvogi.
Þetta er stór biti fyrir mig að kyngja. Ég loka nú ákveðnum kafla og byrja á nýjum.
Öflugari fræðsla og meiri upplýsingar um skelfilegar afleiðingar eru besta forvörnin í baráttunni gegn einelti og með ykkar hjálp þá kemur þetta.
Ég efast ekki eitt augnablik um að Lárus minn hafi fundið frið í sínu sára hjarta á mínum mesta sorgardegi en við verðum að breyta þessu þannig að fólk þurfi ekki að svipti sig lífi til að losna undan kvölum eineltis.
Við getum ekki hugsað okkur að fólk þurfi að upplifa þá sálarkvöl sem uppgjöf barns eða ástvinar er.
Það er hægt að koma í veg fyrir fleiri harmleiki með bættum aðgerðum í eineltisvinnu, aukinni fræðslu og upplýsingum til fólks, þessi stund er þáttur í því.
Liðsmenn Jerico eru frjáls félagasamtök.
Markmið okkar er að vekja athygli á afleiðingum eineltis ásamt því að vera athvarf fyrir þolendur og aðstandendur þeirra.
Við eru vettvangur ráðgjafar, vinnum að fræðslu og miðlum þekkingu um málefni tengdum einelti.
Liðsmenn Jerico hafa blásið til leiks í meistaradeildarkeppninni gegn einelti. Keppendur í deildinni eru þjóðin sjálf.
Ég ætla að láta það vera mín lokaorð að minnast á mikilvægi þess að tala og að láta vita, foreldrar og aðstandendur hlustið á börnin og aðstandendur ykkar með eyrum og augum.
Að upplýsa ykkur um að okkar versti óvinur er þögnin og afskiptaleysið og um leið að benda jafnframt á að þeir sem hafa völdin og ráðin til að gera breytingar þurfa að gera meira en bara tala, þeir þurfa að láta verkin tala.
Það er engin rómantískur blær í eineltissögum. Ekki einu sinni í þeim sem enda vel. Þær eru hins vegar baðaðar í óbærilegum sársauka.
Hér er verið að vinna mikilvægt starf, þetta átak skipti sköpum. Þið sem leggið baráttunni lið eruð einstök... þögnin er óvinurinn en saman getum við upprætt einelti með því að taka höndum saman, tala saman og vera saman.
Boðið er upp á símaviðtöl og bókuð viðtöl á stofu;
Bergljót Snorradóttir ráðgjafi, nemi í Forvarnaskóla Íslands. Móðir þolenda. Útskrifuð frá Ráðgjafarskóla Íslands vetur 2008
Sími: 820-9408 begga.lidsmennjerico@gmail.com
Albert Valur Albertsson ráðgjafi. Útskrifaður frá Ráðgjafarskóla Íslands vetur 2008
Sími: 825:3160 albertv.lidsmennjerico@gmail.com
Dagný Baldursdóttir ráðgjafi, BA próf í félagsráðgjöf. Aðstandandi þolanda. Útskrifuð frá Ráðgjafarskóla Íslands vor 2009
Sími: 861-5823 dagnybald@gmail.com
Ingibjörg Helga Baldursdóttir grunnskólakennari. Móðir þolanda. Útskrifuð frá Ráðgjafarskóla Íslands vor 2009, formaður Liðsmanna Jerico.
Sími: 867-9259 lidsmennjerico@gmail.com
Elísabet Sóley Stefánsdóttir ráðgjafi, MA nemi í áhættuhegðun, forvörnum og lífsýn. Tómstunda- og félagsmálafræðingur. Þolandi. Útskrifuð frá Ráðgjafarskóla Íslands vor 2009
Sími: 772-4474 elisabet.lidsmennjerico@gmail.com
Umsjónamaður sjálfsstyrkinganámskeiðs fyrir börn og ungmenni.
TST, stendur fyrir tómstundir, sjálfsstyrking og tónlist.
Markmið TST er að efla sjálfstraust barna og ungmenna. Byggja upp sterka forvörn fyrir framtíðina.
Leiðarljós TST
- Við virðum stundvísi
- Við virðum hvort annað og sýnum góða framkomu
- Við reykjum ekki né neitum annarra vímuefna
- Við erum snyrtileg til fara
- Við tökum virkan þátt
Með hugmynd okkar er áherslan lögð á að mæta einstaklingnum þar sem hann er og vinna út frá því í átt að betri lífsstefnu.
Rakel Rán Sigurbjörnsdóttir, starfsmaður á dagdeild átraskana (LSH) og meistaranemi í fjölskyldumeðferð. Útskrifuð frá Ráðgjafarskóla Íslands vor 2009. Margir af okkar skjólstæðingum á dagdeildinni hafa orðið fyrir einelti. Afleiðingar eineltis má m.a. sjá í lágu sjálfsmati og slakri líkamsímynd. Þar vil ég hjálpa sem og í fjölskylduvinnunni, þar sem ég hef mikinn áhuga og er að sérhæfa mig.
Sími: 661 0859 rakelran@hotmail.com
Elvar Bragason ráðgjafi. Þolandi. Útskrifaður frá Ráðgjafarskóla Íslands vetur 2008
Sími: 771-4474 elvar.lidsmennjerico@gmail.com - http://www.lifanafengis.is
Rekur Líf án áfengis, Fræðslumiðstöð. Digranesvegur 12 Kópavogi. Opin virka daga frá kl 9.00-13.00
Sjálfsskoðun með aðstoð ráðgjafa í hópvinnu og verkefnavinna þar sem stuðst er við 12 spor AA samtakanna.
Fræðsla og hugleiðsla í boði, gott fyrir nýliða jafnt sem lengra komna.
Tían, sjálfsstyrking og stuðningshópur á vegum Líf án áfengis fræðslumiðstöðvar: Hópvinna, fræðsla, sögufundir, einkaviðtöl, lestur og verkefni stuðst við 12 spora prógram.
Jónas Helgi Eyjólfsson ráðgjafi. Sími: 899-3446 jonaseyjolfs@simnet.is http://www.stodogstyrking.com/
Bloggar | 30.10.2009 | 11:24 (breytt 31.10.2009 kl. 11:38) | Slóð | Facebook | Athugasemdir (1)
Árs afmælisdagurinn okkar 6. október í Bústaðarkirkju var fullkomin. Tónlistaratriðin stórkostleg. Yndislegir gestir, einlæg ávörp, hugleiðingar og blessunarorð Sr. Pálma Matthísassonar fylgja okkur áfram. Þúsund þakkir fyrir að gera þessa stund eins fallega og hún varð.
Hjólað gegn einelti Jakob Einar Jakobsson.
Söfnunarféð (tæp 350.000) afhent í yndislegri kærleiksstund í tilefni af árs afmæli samtakanna Liðsmenn Jerico sem haldin var í Bústaðakirkju í kvöld.
Gjöf Jakobs Einars er stór og okkur Liðsmönnum Jerico ómetanleg. Við þökkum öllum þeim sem veittu söfnun hans styrk, mikið vel fyrir, Jakobi Einari og fjölskyldu hans.
Bloggar | 8.10.2009 | 20:27 (breytt kl. 20:33) | Slóð | Facebook | Athugasemdir (2)
Þeir tefla fram snilldar leikáætlun sem verður bæði gaman og spennandi verður að fylgjast með. Hugmyndafluguð hjá þeim á sér greinilega engin takmörk og þeim er greinilega annt um náungann.
Húrra fyrir Þelamerkurskóla, þið eru frábær.
Norræna skólahlaupið verður tileinkað vinnu gegn einelti.
Ágætu velunnarar nemenda Þelamerkurskóla, mánudaginn 28. september n.k. höldum við norræna skólahlaupið 2009.
Þá ætla nemendur og kennarar Þelamerkurskóla að ganga og hlaupa gegn einelti.
Síðan á síðast liðnu hausti hefur skólinn okkar unnið að innleiðingu áætlun Olweusar gegn einelti.
Hluti þeirrar áætlunar er þemadagur gegn einelti. Þar sem Þelamerkurskóli leggur líka áherslu á hreyfingu og útivist í starfi sínu þótti okkur við hæfi að þemadagur okkar gegn einelti bæri einnig merki þeirrar áherslu.
Hugmyndin að þessum degi kviknaði þegar Jakob Einar Jakobsson hjólakappi heimsótti okkur hingað í skólann en hann hjólaði hringinn í kringum landið og safnaði peningum til styrktar samtökunum Liðsmenn Jerikó. Þau samtök voru stofnuð til að berjast gegn einelti. Á þemadeginum göngum við til liðs við Jakob Einar og aðstoðum hann við söfnunina.
Með bestu kveðjum og þakklæti fyrir stuðninginn og samstarfið.
Ingileif og Unnar
Fréttir af velgengni Þelamerkurskóla í meistaradeildarkeppninni.
Þelamerkurskóli - Gekk vel að ganga og hlaupa.
Í morgun gengu og hlupu nemendur Þelamerkurskóla gegn einelti. Eins og komið hefur fram var Norræna skólahlaupið í ár tileinkað vinnu gegn einelti.
Nemendur höfðu síðan í síðustu viku safnað áheitum sem þeir innheimta svo í samræmi við gönguna sína eða hlaupin sín í dag.
Allir sem tóku þátt í hreyfingunni lögðu sig fram og gerðu sitt besta. Flestir nemendur komust 10-12 hringi á grasvellinum norðan við skólann. Margir komust 12-17 og nokkrir fóru 17-22 hringi. Örfáir fóru fleiri hringi en 22. Flestir stefndu þó að því að bæta fyrri árangur sinn þegar við hreyfðum okkur fyrir Unicef á Íslandi í fyrra. Sá sem þá hljóp flesta hringi hljóp í það skiptið 26 hringi. Í dag lét hann sig ekki muna um að bæta 4 hringjum við. Og hljóp hann því 30 hringi á 40 mínútum en það eru 9 kílómetrar. Sá sem þetta gerði er Helgi Pétur Davíðsson í Kjarna sem er nemandi í 4. bekk.
Eftir hreyfinguna var síðan kærkomið að teygja úr sér í sólskininu í volgri Jónasarlaug.
Til hamingju kæru nemendur og kennarar með stórkostlegan leik. Þið eruð úrvalslið og gott að vita af ykkur í Meistaradeildinni. Þið skiptið máli og það sem þið eruð að gera. Þið eruð að hjálpa fullt af fólki með umhyggju ykkar og skilningi, með ykkar baráttuleik.
Ég hlakka til að geta komið sjálf til ykkar og hitt ykkur - þið eruð einstök í mínum huga.
Takk fyrir að vera Liðsmenn Jerico
Ykkar Inga
Sjá fréttalista www.jerico.is/?c=frettir&id=27&lid=&pid=
Bloggar | 8.10.2009 | 19:57 (breytt kl. 20:43) | Slóð | Facebook | Athugasemdir (0)
Dagskrá 10. október 2009 
Öflugri og aðgengilegri geðheilbrigðisþjónusta
Haldið verður upp á daginn í göngugötunni í Mjódd og í húsakynnum Hugarafls að Álfabakka 16, laugardaginn 10. október frá kl. 13:00 - 16:30. Álfheiður Ingadóttir nýr heilbrigðisráðherra mun flytja ávarp og tónlistarmennirnir Geir Ólafs, Ingó úr Veðurguðunum og unglingahljómsveitin GÁVA taka lagið.
Við hvetjum alla til að koma í Mjóddina á laugardaginn, skemmta sér og kynnast nýjum úrræðum og/eða tala við fólk sem hefur mikla reynslu á þessu sviði.
Dagskrá
13:00 | Fjölsmiðjan flytur ljúfa gítartóna
13:20 | Ragnheiður Jonna Sverrisdóttir verkefnastjóri Alþjóða geðheilbrigðisdagsins opnar hátíðina.
13:30 | Heilbrigðisráðherra Álfheiður Ingadóttir flytur ávarp.
13:50 | Páll Matthíasson framkvæmdarstjóri geðsvið LSH.
14:10 | Herdís Benediktsdóttir og tveir notendur kynna bókina Geðveikar batasögur.
14:25 | Unglingahljómsveitin GÁVA
14:40 | Geir Ólafs tekur lagið
15:05 | Ingó úr Veðurguðunum tekur nokkur lög
15:20 | Bergþór Grétar Böðvarsson flytur stutt lokaávarp.
15:30 | Skákfélag Vinjar, Hrókurinn og Taflfélagið Hellir halda skákmót í tilefni dagsins.
Kynningar á yfir 20 úrræðum fyrir þá sem eru að glíma við atvinnu-, eignamissi eða annað sem getur raskað geði fólks. Boðið verður upp á veitingar , vöfflur, kaffi o.fl. á geðveikt góðu verði. Einnig verða blöðrur fyrir börnin.
Eftirtaldir aðilar munu kynna starfsemi sína í Mjóddinni 10. október
- Björgin
- Fjölsmiðjan
- Fjölskyldumiðstöðin
- Geðsvið LSH - Fjölskyldubrúin og Sálfræðiþjónusta geðsviðs.......
- Helga Pálsdóttir
- Hjálparsími Rauða krossins 1717 og Rauða kross húsið
- Hlutverkasetur
- Hringsjá
- Hugarafl
- Iðjuþjálfun Hringbraut og Iðjuþj./vinnusalur á Kleppi
- Klúbburinn Geysir
- Konukot
- Landlæknisembættið
- Lausnin og 12 spora samtök saman á borði
- Liðsmenn Jerico
- Lýðheilsustöð
- Manía, geðverndarfélag HÍ
- Rauða kross athvörfin
- Velferðarsvið Reykjavíkurborgar og Búsetukjarnar viðsvegar úr bænum
- Þjónustumiðstöð Vesturbæjar
Það er engin heilsa án geðheilsu, geðgóður dagur er allra dagur
Bloggar | 7.10.2009 | 14:25 (breytt kl. 14:27) | Slóð | Facebook | Athugasemdir (1)
Liðsmenn Jerico eru eins árs í dag og ég óska ykkur til hamingju með daginn.
Við þurfum öll á trú, von og kærleika að halda.Ég trúði því í hjarta mínu að starf Liðsmanna Jerico skipti máli, ég trúði því að hægt væri að ná fram breytingum í þjóðfélaginu varðandi viðhorf til eineltis - Ég trúði því að fólk vildi hleypa okkur inn í hjarta sitt.
Í dag er ég búin að sjá hvað er hægt að gera ef fólk hefur trúna.
Vonir í brjósti mér lifna og deyja með öllu því sem ég tek mér fyrir hendur í lífinu. Vonin sem lifnaði í brjósti mér með lífi Liðsmanna Jerico lifnaði þegar önnur von dó. Von um að hægt væri að veita þolendum eineltisofbeldis og aðstandendum þeirra meiri hjálp, aukinn skilning, sanngjarnari meðferð og viðurkenningu á vandanum sem þeir eiga rétt á.
Kærleikann. Ást mína er ég svo lánsöm að eiga og geta gefið. Ég hef margt og marga að elska. Starf mitt með Liðsmönnum Jerico hófst í miklum sársauka, í dag elska ég það og Liðsmennina mína af öllu mínu hjarta og allri minni sál. Starfið á hug minn allan. Það er það sem þarf til að ná settu marki. Til að vinna að því að koma í veg fyrir að einelti fái að þrífast og efla forvarnirnar. Til að hægt sé að virkja þá þjónustu betur sem í boði er hjá félagsþjónustu, heilbrigðis og menntamálastofnunum, upplýsa og fræða.
Einelti er ekki einkamál gerenda og þolenda. Við berum öll ábyrgð. Við þurfum að tala um hlutina og láta vita. Ég trúi á fólkið mitt í kring um mig, ég trúi á ykkur.
Með baráttu okkar, upplýsingum, fræðslu og leiðsögn er víða hafin löngu tímabær vinna í eineltismálum. Í ráðuneytum, bæjarfélögum, stofnunum og fyrirtækjum Það gengur bara allt svo hægt.
Það þarf stöðugt að vera að minna á tilganginn með vinnunni. Um að stuðla að forvörnum í eineltismálum fyrir framtíðina til að koma í veg fyrir brot á mannréttindum og bætt geðheilbrigði. Við eigum öll sama rétt á að líða vel og vera hamingjusöm eins og við erum.
Við eigum öll að geta verið örugg og geta treyst því að börnin okkar séu í öruggu umhverfi, líf okkar snýst um þá sem við elskum.
Það á ekki að vera þannig að þegar aðstandendur eineltisþola og fullorðið fólk leiti réttar síns að þá gangi það á veggi. Að þegar fólk sem er ráðþrota, að brotna undan álaginu sem fylgir sorginni, ráðaleysinu og höfnuninni og þarf virkilega á því að halda að heyra uppörvandi og styrkjandi orð þá sé því vísað eitthvað annað. Að fólk þurfi að komast að því að það er engin málsvari í öllu þjóðfélaginu sem tekur að sér eitt einstakt mál, merkt einelti eða eineltisofbeldi. Ekki barnaverndarsamtök, ekki Vinnueftirlitið - engin. Samt eru til lög og reglugerðir varðandi skóla og vinnustaði.
Það á ekki að vera þannig að eineltisofbeldismál falli hvergi undir embætti eða stofnanir.
Það eru skráð 38 sjálfsvíg á síðasta ári, að meðaltali falla 3-4 einstaklingar fyrir eigin hendi á mánuði. Það er umhugsunarvert og ég vildi svo gjarnan vita hversu margir þeirra glímdu við afleiðingar eineltis og létust vegna þeirra.
Það er hörkuvinna sem þarf að fara af stað strax þegar einelti uppgötvast. Í þá vinnu þarf dugnað og góða samvinnu allra einstaklinga sem að málinu koma. En tilfinningin sem fylgir því að ná að uppræta einelti er dásamleg. Hana þekki ég jafnvel og tilfinninguna þegar það tekst ekki. Það er mikið gleðiefni að fá fréttir og pósta frá starfsmönnum skóla og fyrirtækja sem eru að láta vita af eineltisforvarnarvinnu og uppstokkun sem er að fara í gang í eineltismálum og forvörnum. Þetta segir okkur að það er vitundarvakning í þjóðfélaginu og að það er fullt af fólki sem að gera allt sem í þeirra valdi stendur til að snúa við blaðinu.
Það vill enginn vera bestur í eineltisfeluleik, verðlaunin eru ömurleg.
Mat á einelti sem upp kemur á ekki að vera geðþóttamat hverju sinni það á að fylgjast með því af alvöru hvort verið sé að fara eftir lögum, reglum og reglugerðum. Á meðan hlutirnir fá að vera svona af hálfu stjórnvalda og í samfélaginu óáreitt, þrífst víða eineltisofbeldi og virðingarleysi gagnvart þolendum.
Það vill engin að einelti þrífist hjá sér, á sínum stað og það vill engin láta minnast sín sem ábyrgðar- og getulauss stjórnanda í afneitun sem brást þegar á þurfti að halda. Hugrekki er að bregðast við og láta verkin tala.
Sársaukinn sem fylgir þolendum eineltis getur varað allt lífið og er gjörólíkur þeim sársauka sem fylgir því að detta og hrufla sig eða að fá marblett.
Við getum verið þakklát fyrir þá vakningu sem hefur orðið í samfélaginu á einu ári varðandi eineltismál.Við getum líka verið þakklát fyrir þá umfjöllun sem við fáum, þó að hún sé afskaplega lítil. Eineltismál hafa þótt óspennandi málaflokkur og áhuginn hefur verið mjög takmarkaður. Það hafa fáir viljað af okkur vita fyrr en á þurfa að halda.
En það góða er að þetta er að breytast. Það hefur stigið fram fólk og það er að stíga fram fólk sem getur unnið að breytingum og vill stuðla að breytingum.
Þakklátust er ég fyrir að hafa verið blessuð með fæðingu sona minna og þeirri ást sem ég hef verið aðnjótandi. Þá tilfinningu, þá upplifun getur ekkert tekið í burtu frá mér og þess vegna erum við hér.Við erum hér af ást.
Bloggar | 6.10.2009 | 19:11 (breytt 7.10.2009 kl. 07:25) | Slóð | Facebook | Athugasemdir (3)
Ég vona að ljós kvikni sem víðast þegar þú gerir þér grein fyrir hversu sterkt afl þú hefur til að breyta hlutunum. Hvort sem þú ert gerandi, þolandi eða áhorfandi. Vertu vinur. Gerendur eru líklegri til að velja sér frekar fórnalömb sem standa ein. Vinir og vinnufélagar gefa fórnalömbunum oft sjálfstraust og stuðning til að verja sig og bregðast við með því að tala um hlutina og láta vita. Að bregðast við ofbeldi með ofbeldi er ekki rétta leiðin.
Áhorfandi eineltis eða „böggs" eins og margir krakkarnir og unglingarnir segja, gæti hugsað sem svo að á meðan hann taki ekki þátt í að leggja aðra í einelti eða „bögga", þá sé hann ekki að meiða neinn. Það er ekki alls kostar rétt. Gerendur elska að hafa áhorfendur og með því að horfa þegjandi á fullnægir áhorfandinn óútskýrðri en veigamikilli hvöt gerandans og hann styrkist.
Sem áhorfandi hefur þú valdið til að stöðva það sem er að gerast í skjóli þagnarinnar. Sem hópur getum við sameinað krafta okkar, með því að upplýsa fólk betur um það hvað er falið á bak við stríðni, leiðbeina þeim sem þurfa leiðsögn í mannlegum samskiptum og fræða fólk um afleiðingar.
Árásir á fólk eins og t.d. líkamlegt ofbeldi, andlegt ofbeldi og kynferðislegt ofbeldi eru litnar alvarlegum augum í þjóðfélaginu. Teljast glæpur sem fólk hlýtur dóm fyrir ef sekt þess er sönnuð. Því er erfitt að skilja hvernig eineltisofbeldi hefur fengið að þrífast án dóms og laga þó að löngu sé sannað hversu alvarlegar afleiðingar það hefur á þolendur, gerendur og aðstandendur þeirra, á heilu fjölskyldurnar.
Tilveruréttur einstaklings er svívirtur, aðstandendur og fullorðið fólk leitar réttar síns og gengur á veggi. Þegar fólk er að brotna undan álaginu sem fylgir sorginni, ráðaleysinu og höfnuninni og þarf virkilega á því að halda að heyra uppörvandi og styrkjandi orð. Þá vísar hver á annan. Enn þann dag í dag er það svo að eineltisofbeldismál falla hvergi undir embætti eða stofnanir.
Þegar fólk er orðið ráðþrota eftir að hafa reynt að leysa erfið eineltismál, með þeim leiðum sem eru í boði og hvatt er til að fara. Án þess að vandann takist að leysa og grípa þurfi til annarra ráða. Þá kemst fólk að því að það er engin málsvari í öllu þjóðfélaginu sem tekur að sér eitt einstakt mál, merkt einelti eða eineltisofbeldi. Ekki barnaverndarsamtök, ekki Vinnueftirlitið - engin. Samt eru til lög og reglugerðir varðandi skóla og vinnustaði.
Það er hörkuvinna sem þarf að fara af stað strax þegar einelti uppgötvast. Í þá vinnu þarf dugnað og góða samvinnu allra einstaklinga sem að málinu koma. En tilfinningin sem fylgir því að ná að uppræta einelti er dásamleg. Hana þekki ég jafnvel og tilfinninguna þegar það tekst ekki. Það er gleðiefni að fá fréttir og pósta frá starfsmönnum skóla og fyrirtækja sem eru að láta vita af eineltisforvarnarvinnu og uppstokkun sem er að fara í gang í eineltismálum og forvörnum. Þetta segir okkur að það er vitundarvakning í þjóðfélaginu og að það er fullt af fólki sem að gera allt sem í þeirra valdi stendur til að snúa við blaðinu. Það vill enginn vera bestur í eineltisfeluleik, verðlaunin eru ömurleg.
Mat á einelti sem upp kemur á ekki að vera geðþóttamat hverju sinni, á hverjum stað en fær því miður að vera þannig of víða. Það er ekki fylgist með því af alvöru hvort verið sé að fara eftir lögum, reglum og reglugerðum. Meðan hlutirnir fá að vera svona af hálfu stjórnvalda og í samfélaginu óáreitt, þrífst víða eineltisofbeldi og virðingarleysi gagnvart þolendum.
Það vill engin að einelti þrífist hjá sér, á sínum stað og það vill engin láta minnast sín sem ábyrgðar- og getulauss stjórnanda í afneitun sem brást þegar á þurfti að halda. Hugrekki er að bregðast við og láta verkin tala. Hvort sem einstaklingi er ítrekað hrint, ýtt, hann hæddur, spottaður, hræddur, útilokaður, uppnefndur, hótað, niðurníddur eða hann úthrópaður í netheimunum veldur sá mikli sársauki meiri skaða en blóðnasir. Sársaukinn getur varað allt lífið og er gjörólíkur þeim sársauka sem fylgir því að fá blóðnasir.
Þöglum áhorfendum eineltisofbeldis líður eðlilega ekki vel yfir því sem þeir verða vitni að. Þeir vita að þetta er rangt og illa gert en þeir vilja ekki vera í sporum fórnarlambsins. Neikvæð hegðun sem fær óáreitt að þrífast t.d. á skólalóðinni, á vinnustaðnum eða heima og skilaboðin sem við fáum um leið, valda öllum óöryggi. Þögnin og afneitunin eru góðar leiðir til að umbera neikvæða og skaðlega hegðun og ýta undir goðsagnarkenndar hugmyndir fólks um „stríðni".
Það er ekki erfitt að setja sig í spor einstaklings á vinnustað sem gerir allt það sem hann á að gera eins vel og til er ætlast en fær bara skít og skammir fyrir. Einhver eða einhverjir segir hann ekki gera verkin nógu vel, nógu hratt, ekki rétt, tala vitlaust, standa vitlaust, lykta vitlaust og hugsa vitlaust og svo er hlegið að honum, gert „grín", logið upp á hann og/eða hann baktalaður. Einstaklingur í þessari stöðu elur oftast þá veiku von í brjósti um að hægt sé að stoppa þessa martröð eða laga öðru vísi en að þurfa að skipta um vinnustað. Ef eigandi fyrirtækisins sem hann vinnur hjá, yfirmaður eða starfsmannastjóri fylgist vel með líðan starfsfólksins, hafi metnað fyrir því að starfsandinn á vinnustaðnum sé í lagi, beri umhyggju fyrir starfsfólki sínu og sýni því skilning og áhuga aukast líkurnar verulega. En ef að eigandinn, yfirmaðurinn eða starfsmannastjórinn tekur þátt í „gríninu" og hlær með gerendunum þá er voðinn vís.
Hvað er það sem gerist þegar tuttugu barna bekkur stendur allur saman og hlær að bekkjarfélaga sínum sem búið er að kefla á höndum og fótum og hengja upp í nokkurra metra hæð utan á steyptan vegg við skólann. Pissblautan bekkjarfélaga sem grætur og skelfur af hræðslu. Hvernig er hægt að útskýra ánægjuna af því að horfa á félaga sinn auðmýktan.
Hvaða hneigðir hefur sá nemandi í bekknum sem er áhrifa mestur? Hver ákveður hver fær að vera með og hver ekki, hvað er gert og hvað ekki? Hve langt fær „stríðnin" að ganga? Hve mikla umhyggju bera nemendur, foreldrar og þeir sem stjórna fyrir nærsamfélaginu? Afskiptaleysið er verst og áhrifanna gætir alls staðar.
Fleiri stúlkur en drengir verða fyrir kynferðislegu áreiti. Kynferðislegt áreiti gagnvart stúlkum hefur síðan líka áhrif á drengi. Drengirnir verða fyrir neikvæðum áhrifum af sínu nánasta umhverfi vegna þess sem þar fær að viðgangast. Unga fólkinu í dag, er hægt að kaffæra í myndum, söngtextum og tölvuleikjum þar sem dregin er upp neikvæð mynd um kynferði. Myndir og þættir um samskipti, sambönd, vináttubönd sem skortir algjörlega heilbrigð mörk og gagnkvæma virðingu.
Besta forvörnin, fræðslan í hverju sem hún er fólgin á ætíð að byrja heima. Í samtölum þar sem gagnkvæm virðing og traust á að vera til staðar, þar sem allir eiga að geta verið öruggir. Það er heima hjá okkur foreldrunum/uppalendunum, þar sem mannleg samskipti lærast. Við erum fyrirmyndir barnanna.
Bjartari framtíð fyrir alla. Það vill enginn vera bestur í eineltisfeluleik, verðlaunin eru ömurleg.
Hvernig viltu láta minnast þín?
Bloggar | 3.10.2009 | 22:48 (breytt 4.10.2009 kl. 13:15) | Slóð | Facebook | Athugasemdir (2)
Kærleiksstund með ljúfum tónum í þágu eineltisþolenda og aðstandenda þeirra.
|
Í tilefni eins árs afmælis Liðsmanna Jerico, samtaka foreldra eineltisbarna og uppkominna þolenda verður haldin minningar- og bænastund til eineltsforvarna í Bústaðarkirkju þriðjudaginn 6. október kl. 20:00 - 21:30.
Að lokinni athöfn í kirkjunni verður gengið út fyrir og blöðrum sleppt til minningar um þá sem eineltið hefur veikt og fellt. Marglitar blöðrur og við þær getur fólk bundið orðsendingu, bænir, óskir og þrár og sleppt þeim til himins. Miðar og pennar afhentir við innganginn.
Dagskrá kærleiksstundarinnar:
Sr. Pálmi Matthíasson stýrir kærleiksstundinni og flytur blessunarorð.
Ingibjörg Baldursdóttir býður gesti velkomna.
Ögmundur Jónasson fyrrverandi heilbrigðisráðherra flytur ávarp.
Helga Margrét Guðmundsdóttir foreldraráðgjafi hjá Heimili og skóla, Liðsmaður Jerico flytur hugvekju.
Karolína S. Sigurðardóttir, uppkominn þolandi segir frá reynslu sinni.
Jakob Einar Jakobsson, Liðsmaður Jerico segir frá hringferð sinni og tilkomu hennar.
Magnús Þór Sigmundsson, Páll Rósinkrans og Óskar Einarsson flytja 3 lög af nýjum væntanlegum diski Magnúsar Þórs.
Minnum á jólakortasöluna okkar 10 stk. 1.000 kr
Bloggar | 30.9.2009 | 17:18 (breytt kl. 18:47) | Slóð | Facebook | Athugasemdir (2)
Í tilefni alþjóðlegs dags sjálfsvígsforvarna verður haldin kyrrðarstund í Dómkirkjunni fimmtudaginn 10. september kl. 20:00 – 20:30, á vegum Þjóðkirkjunnar, Landlæknisembættisins, Geðsviðs LSH, Geðhjálpar og fleiri aðila.
Að lokinni athöfn í kirkjunni verður gengið niður að Tjörn þar sem kertum verður fleytt til minningar um þá er fallið hafa frá fyrir eigin hendi.
Dagskrá kyrrðarstundarinnar verður á þessa leið:
Guðrún Karlsdóttur þýðandi og aðstandandi segir frá reynslu sinni.
sr. Hjálmar Jónsson flytur hugvekju og bæn.
Magga Stína (Fabúla) flytur sálminn Ákall við eigið lag, textinn eftir föður hennar séra Sigurð Pálsson.
Sigurður H. Ingimarsson flytur lag sem er tileinkað Geðhjál.p
Þess má geta að fræðslusvið Biskupsstofu gaf út fyrr á þessu ári heftið Ástvinamissir vegna sjálfsvígs - handbók til sjálfshjálpar fyrir aðstandendur og fæst það í Kirkjuhúsinu.
Bloggar | 9.9.2009 | 17:42 | Slóð | Facebook | Athugasemdir (1)
Vildi óska að ég gæti sett hana hér inn alla saman.
Jakob Einar er komin í mark og búinn að hjóla tæplega 1.400 km á sjö dögum. Um leið og hann hjólaði sig inn í hjörtu fólks allt í kring um landið vakti hann athygli á okkar málaflokki einelti.
Það verður seint hægt að fullþakka honum þetta stóra og mikla starf sem vannst.
Bloggar | 9.9.2009 | 16:39 | Slóð | Facebook | Athugasemdir (0)
Hjólar hringveginn gegn einelti
Jakob Einar Jakobsson, fyrrum landsliðsmaður í skíðagöngu, hjólar nú hringveginn til styrktar samtökunum Liðsmenn Jerico sem berjast gegn einelti. Hann hefur nú hjólað í þrjá daga. Hann hóf ferðina í Reykjavík og var á Mývatni í dag.
Á morgun ætlar hann að koma til Egilsstaða ef veður leyfir. Jakob Einar hefur til þessa hjólað um 190 kílómetra á dag. Hann áætlar að ferðin taki níu daga og reiknar með að hjóla inn í Reykjavík eftir rétta viku. Þeir sem vilja leggja þessu málefni lið geta lagt inn á reikning númer: 0323-13-168221. KT:190783-4059.
frettir@ruv.is
Bloggar | 3.9.2009 | 18:06 | Slóð | Facebook | Athugasemdir (1)
http://thelamork.is/greinar/frettir/hlaupid_gegn_einelti/
Hlaupið gegn einelti
02.09.2009 16:26 - 67 lestrar
Það er okkur sönn ánægja að segja frá því að hér í Þelamerkurskóla höfum við ákveðið að taka Jokob Einar hjólagarpa okkur til fyrirmyndar. Það ætlum við að gera með því að hlaupa gegn einelti í Norræna skólahlaupinu sem verður hjá okkur í lok september.
Þeð fer vel á því að nemendur og starfsfólk Þelamerkurskóla leggi sitt af mörkum gegn einelti. Í fyrsta lagi vinnum við að því að innleiða áætlun Olweusar gegn einelti, í öðru lagi leggjum við áherslu á útivist og hreyfingu í skólastarfinu og í þriðja lagi er samkennd eitt af einkennisorðum skólans.
Fyrirkomulag hlaupsins og söfnunar áheita á nemendur verður með svipuðu fyrirkomulagi og þegar við tókum þátt í Unicef-hreyfingunni á sínum tíma. En í þetta sinn eru það samtökin Liðsmenn Jeríkó sem njóta áheitanna sem nemendur safna.
Bloggar | 3.9.2009 | 17:55 | Slóð | Facebook | Athugasemdir (0)
http://bb.is/Pages/119?NewsID=136833
bb.is | 31.08.2009 | 16:47 Hjólar gegn einelti
Önfirski skíðamaðurinn Jakob Einar Jakobsson lagði upp í hringferð um landið í morgun. Ferðin er farin til að vekja athygli á því hversu alvarlegt vandamál einelti er og um leið athygli á starfi samtakanna Jerico. Markmið Liðsmanna Jerico er að vekja athygli á afleiðingum eineltis ásamt því að vera athvarf fyrir þolendur og aðstandendur þeirra. Samtökin eiga að vera vettvangur ráðgjafar fyrir þolendur eineltis og aðstandendur þeirra og vinna að fræðslu og miðla þekkingu um málefni tengd einelti. Nafn samtakanna Liðsmenn Jerico er tilkomið vegna þess að Jerico var notendanafn Lárusar Stefáns á netinu, en hann var ungur maður sem tók líf sitt sumarið 2008 eftir að hafa verið lagður í einelti um árabil. Foreldrar hans Þráinn Lárusson og Ingibjörg Helga Baldursdóttir eru stofnendur samtakanna.
„Liðsmenn Jerico tengjast fjölskyldu kærustunnar minnar og ég hef fylgst með frá stofnun og heillaðist strax af vilja foreldranna og ákvörðun þeirra um að fráfall sonarins skyldi aldrei vera neitt feimnismál eins og Þráinn hefur sagt opinberlega, heldur skyldu þau í hans nafni berjast á móti einelti í allri sinni mynd og á öllum vígstöðum. Þau tóku eineltið strax mjög alvarlega þegar það komst upp, ég nefni sem dæmi að Þráinn menntaði sig til kennara og er formaður fræðslunefndar Austurlands og situr í stjórn skólaskrifstofu Austurlands. Þetta gerði hann til að geta haft áhrif og hjálpað fleirum en bara stráknum sínum heima fyrir."
Áætlað er að ferðalag Jakobs taki um níu til tíu daga en hann ætlar að hjóla 1374 km. Með í för er einn rómaðasti einkakokkur miðborgarinnar í upphækkuðum jeppa með fellihýsi en það er smurbrauðsjómfrúin Jakob, pabbi hjólreiðagarpsins.
Jakob Einar er einn af fremstu íþróttamönnum Vestfirðinga undanfarin ár. Hann var í landsliðinu á skíðum í sex ár og er átjánfaldur Íslandsmeistari í skíðagöngu á árunum 2000-2006. Keppti á HM í Þýskalandi 2005 en hann var sama ár kjörinn íþróttamaður Ísafjarðarbæjar. Hann hefur keppt í VASA göngunni í Svíþjóð og Birkebeinergöngunni í Noregi.
Söfnunarreikningurinn til styrktar liðsmönnum Jerico er: 0323-13-168221. Kennitala: 190783-4059. Nánari upplýsingar um samtökin má finna á vef þeirra á slóðinni http://www.jerico.is/. Fólk getur gerst „aðdáendur" síðunnar „Hjólað gegn einelti" á samskiptasíðunni facebook og fylgst þar með hvernig ferðinni miðar.
Á mbl.is má sjá sjónvarpsviðtal við Jakob Einar um ferðalagið.
thelma@bb.is
Bloggar | 1.9.2009 | 11:04 | Slóð | Facebook | Athugasemdir (0)
Komið sæl.
Mig langar til að láta ykkur vita af ungum manni sem hefur nú hjólað stoltur í eineltið.
Jakob Einar Jakobsson hjólaði af stað hringinn í kringum landið í dag 31. ágúst 2009. Fyrsti áfangastaður Jakobs Einars er Staðarskáli. Ferðalagið áætlar hann að taki 9 daga.
Þóra Kristín frá Morgunblaðinu kom og tók viðtal við hann áður en hann lagði af stað, viðtalið verður vonandi komið inn á vefsjónvarpið á http://www.mbl.is/ seinna í dag.
Hann hefur lengi gengið með þann draum að hjóla hringinn í kringum landið. Í vor ákvað hann að láta verða af þessu, ásamt Sævari vini sínum. En í sumar hefur verið mikil óvissa varðandi þennan hjólatúr þar sem Sævar hefur verið meiddur af og til, og þurfti í síðustu viku að blása túrinn af.
Jakob var að vonum vonsvikinn, en eftir miklar pælingar ákvað hann að drífa sig einsamall, en þó með fylgdarbíl. Þetta ákvað hann 26. ágúst. Hann fékk ábendingar um að það væri sniðugt að gera þetta í nafni samtaka og datt Liðsmenn Jerico strax í hug.
Feðgarnir fengu konunglegar móttökur í Mývatnssveit í Selinu Hótel Mývatnssveit hjá Ragnari Kristjánssyni og fjölskyldu.
Feðganna bíða fleiri góðar móttökur þar má nefna á Hallormsstað, þar taka Þráinn, þurý og Kristján Stefán á móti þeim með veislu og gistingu.
Á Hornafirði bjóða heiðurshjónin og Liðsmennirnir Kristín Óladóttir og Ingólfur Einarsson eigendur Kaffihornsins þeim feðgum til veislu.
Þessi hugmynd Jakobs Einars er hreinasta snilld. Krafturinn og dugnaðurinn í honum snertir mig djúpt.
Hann bara getur ekki verið á betri tíma með áminningu um vakningu í eineltismálum, um alvarlegar afleiðingar eineltis og Liðsmenn Jerico en núna.
Jakob Einar og hans fjölskylda er að opna umræðuna á jákvæðan og hvetjandi hátt.
Nú hjálpar þetta vonandi þeim þolendum og aðstandendum sem eru að berjast við skömmina, vegna þess að það hljóti að vera eitthvað að þeim eða þeirra barni fyrst það er lagt í einelti.
Þetta eru viðhorfin sem þolendur hafa þurft að fela sig fyrir.
Er það barnið þitt sem er svo "heppið" að geta læst sig inni á klósetti til að gráta í friði.
Er það móðir þín, faðir, systir, bróðir eða besti vinur sem finnst hún/hann vera í helvíti og eru föst á eymdarstað í lífinu þar sem lífsvilji þeirra og gleði hefur verið soginn úr þeim markvisst og sá sem hefur lyklavöldin er kvalari þeirra.
Það er engin skömm að eiga barn eða annan aðstandanda sem verður fyrir eineltisofbeldi en það er sárara en orð fá lýst.
Skömmin liggur hjá gerendunum. Þeir eru illa upplýstir.
Nú hjólar Jakob Einar hraustur og hress og hjálpar okkur að snúa við blaðinu.
Einelti er ekki einkamál gerandans og þolandans - Það kemur okkur öllum við - Við berum öll ábyrgð.
Þúsund þakkir til hans og ykkar.
RÚV útvarp ætlar að vera í sambandi á leiðinni og svo ætla nokkur héraðsblöð að vera í sambandi við Jakob Einar.
Gott að þið vitið af Facebook-síðunni hans Hjólað gegn einelti, þar eru komnir um 1.830 vinir.
Brottfarar- og áfangastaður Km Busl / möl Helstu kennileiti leiðar
Dagur 1.
Reykjavík - Staðarskáli 163,00 163,00 / 0,00 Hvalfjarðargöng, Holtavörðuheiði
Dagur 2.
Staðarskáli - Akureyri 225,00 225,00 / 0,00 Vatnsskarð, Öxnadalsheiði
Dagur 3.
Akureyri - Mývatn 90,00
Dagur 4.
Mývatn - Egilsstaðir 174,00
Dagur 5.
Egilsstaðir - Djúpivogur 156,00 148,00 / 8,00 Fagridalur, Fáskrúðsfjarðargöng
Dagur 6.
Djúpivogur - Höfn 104,00 100,00 / 4,00
Dagur 7.
Höfn í Hornafirði - Skaftafell 136,00 136,00 / 0,00
Dagur 8.
Skaftafell - Vík í Mýrdal 140,00 136,00 / 4,00 Skeiðarársandur
Dagur 9.
Vík í Mýrdal - Reykjavík 186,00 186,00 / 0,00 Hellisheiði
SAMTALS: 1374 km
Bloggar | 31.8.2009 | 08:47 (breytt 3.9.2009 kl. 20:07) | Slóð | Facebook | Athugasemdir (0)
Ráðstefna um velferð íslenskra barna - sóknarfæri á umbrotatímum, verður haldin 17. ágúst, n.k. í sal Íslenskrar erfðagreiningar. Að ráðstefnunni standa Lýðheilsustöð í samvinnu við heilbrigðis-, menntamála- og félags- og tryggingmálaráðuneytið Ráðstefnan er opin öllum þeim sem áhuga hafa á velferð íslenskra barna. Dagskrá | |
8:30 - 9:00 | Afhending fundargagna |
9:00 - 9:25 | Opnun ráðstefnu: Kári Stefánsson Ávarp: Rödd grunnskólanema Söngur leikskólabarna |
9:30 - 10:30 | Focusing on strengths when working with children and adolecents |
10:35 - 10:55 | KAFFIHLÉ - Atriði frá grunnskólanemum |
11:00 - 11:25 | Áhrif efnahagsþrenginganna á heilsu og líðan Íslendinga - niðurstöður rannsókna Lýðheilsustöðvar Dóra Guðrún Guðmundsdóttir, forstjóri Lýðheilsustöðvar |
11:30 - 11:55
| Aðkoma heilbrigðisþjónustunnar að velferð barna á tímum efnahagsþrenginga |
12:00 - 12:25 | Velferðarvaktin: Staða barna á umbrotatímum Lára Björnsdóttir, formaður Velferðarvaktarinnar og fulltrúi frá sveitarfélagi í stýrihópi vaktarinnar |
12:25 - 13:15 | HÁDEGISHLÉ - Atriði frá framhaldsskólanemum |
13:15 - 13:40 | Við verðum að byrgja brunninn Kynning á verkefnum Velferðarsjóðsins |
13:45 - 14:10 | Jákvæð samfélagsmótun í skólastarfi Berglind Magnúsdóttir, ráðgjafi menntamálaráðherra |
14:15 - 14:40 | Velferð íslenskra unglinga Jón Gunnar Bernburg, dósent í félagsfræði við Háskóla Íslands |
14:45 - 15:10 | Hagnýting æskulýðsrannsókna á vettvangi Bryndís Björk Ásgeirsdóttir, verkefnastjóri BSc náms í sálfræði við Háskólann í Reykjavík og sérfræðingur hjá Rannsóknum & greiningu Geir Bjarnason, forvarnarfulltrúi Hafnarfjarðabæjar |
15:15 - 15:30 | Heilsueflandi framhaldsskólar - heildræn nálgun Héðinn Svarfdal Björnsson, verkefnastjóri fræðslumála, Lýðheilsustöð |
15:30 - 16:30 | Samantekt og pallsborðsumræður með sérfræðingum og ráðamönnum -ásamt kaffiveitingum |
|
|
Skráning á www.lydheilsustod.is | |
Verð: 2.500 krónur (innifalið kaffi og hádegishressing) | |
Staður: Salur Íslenskrar erfðagreiningar | |
| |
Bloggar | 12.8.2009 | 13:26 | Slóð | Facebook | Athugasemdir (1)
Hvernig hyggjast ráðherrar taka á eineltismálum í ljósi álits umboðsmanns alþingis?
2. Mál nr. 5718/2009 | Máli lokið 7. júlí 2009.
Opinberir starfsmenn. Yfirstjórnunar- og eftirlitsheimildir. Jákvæð athafnaskylda. Einelti. Kerfisvandi. Samskiptaörðugleikar. Frumkvæðisathugun.
Reifun | Álit
1. Af hverju eru þingmenn, eina stétt landsins sem tilheyrir ekki stéttarfélögum?
2. Eru þingmenn þar af leiðandi eina stétt landsins sem eru undanþegnir ákvæðum vinnuverndarlöggjafarinnar?
Ath! Hver vinnustaður á að hafa á að skipa, öryggistrúnaðarnefnd og skal kjósa sér öryggistrúnaðarmann. Einnig skal hver vinnustaður koma á fót eineltisteymi sem vinnur gegn einelti, bolun og kynferðisáreiti(ofbeldi), samkvæmt því sem segir í vinnuverndarlögum nr. 46/1980. eineltislöggjöfinni 1000/2004, reglugerð 200 nr. 920/2006 og jafnréttislöggjöfinni(kynferðisleg áreitni - ofbeldi, fellur undir hana og er einn þáttur eineltis!!!).
Getum við gert kröfu um að grunnskólabörn sýni hvort öðru fyrirmynda hegðun, ef fólk innan stjórnsýslunnar t.d á alþingi, sýnir ekki hvort öðru virðingu, skilning, umburðarlyndi og kærleika? - Eftir höfðinu dansa limirnir!
Stillum siðferðiskompásinn! - Lyftum mennskunni í æðra veldi!
AFHVERJU: Alþjóðavinnumálastofnunin hefur vakið máls á vandamálum er tengjast einelti sem og öðru ofbeldi á vinnustöðum. Í félagssáttmála Evrópu, 2.mgr. 26gr., er kveðið á um rétt fólks til mannlegarar reisnar í starfi. Reglugerð um aðgerðir gegn einelti á vinnustað sem lög nr. 46/l980 kveða á um og taka til aðbúnaðs, hollustuhátta og öryggis á vinnustöðum með síðari tíma lagabreytingu frá því í desember 2004 og ákvæðum um reglugerð 200 nr. 920/6 og evrópusaminga um aðgerðir við einelti við vinnu (ETUCH) (UNICE/UEAPME/CEEP),ættu að koma í veg fyrir hryðjuverk af þessu tagi.
Þrátt fyrir lög, reglugerðir og verkferlisslýsingar er staðan oft sú, að þolandi sem leggur fram kæru um einelti, er ekki tekin trúanlegur og er látinn njóta vafans, líkt og hefur átt sér stað hjá þolendum sifjaspella og nauðgana, í gegnum tíðina á Íslandi. Þessu hefur einnig verið líkt við það, að ef ráðist væri á starfsmann í söluturni og hann settur í gíslingu, á meðan ofbeldismaðurinn er látinn ganga laus. Það skyldi hver maður hugsa sig um tvisvar áður en hann sinnir borgaralegri skyldu sinni og lætur vita um einelti og hvers konar ofbeldi á vinnustað, því það vísar hver á annan, þekkingarleysi og fordómar eru með eindæmum og aðgerðarleysið oft algjört, þrátt fyrir skýr lög, reglugerðir og vísindalegar rannsóknir.
NÝ ÍSLENSK RANNSÓKN SÝNIR AÐ GERENDUR EINELTIS ERU Í 71 % TILFELLA YFIRMENN EÐA MILLISTJÓRNENDUR.
Þessir sömu yfirmenn ráða jafnvel til sín vinnustaðasálfræðinga, sem eru á launaskrá gerenda, sem aftur telja sig eiga skýrslur með niðurstöðum og meðhöndla þær að eigin geðþótta án vitundar og samráðs þolenda. Þetta er með öllu óþolandi siðleysi og spilling sem ráða þarf bót á. Komi vinnustaðasálfræðingar að málum þurfa þeir að fá borgun hjá óháðum aðila t.d vinnueftirlitinu eða viðkomandi stéttarfélagi.
Einnig hafa verið gerðar erlendar rannsóknir um áhrif eineltis á líðan fólks og starfsgetu, t.d á vegum European Foundation for the Improvement of Living and Working Conditions. Einnig sýna íslenskar rannsóknir fram á að allt að 17% starfsmanna á vinnustöðum hafa orðið fyrir einelti og ofbeldi að ýmsum toga.
HVAÐ ER EINELTI: Einelti á vinnustað er skilgreint sem tíðar og neikvæðar athafnir sem beitt er af einum einstaklingi eða fleiri, gegn vinnufélaga sem á erfitt með að verja sig. Þessar athafnir valda þeim einstaklingi sem fyrir þeim verður mikilli vanlíðan og grafa undan sjálfstrausti hans.
Það eru margar aðferðir sem gerendur nota til að gera þolendum lífið óbærilegt; rógburður t.d slúður, illt umtal og sögusagnir sem beitt er til að grafa undan mannorði þolanda, rangar ásakanir um frammistöðu í starfi, stöðug og óréttlát gagnrýni, niðurlæging í viðurvist annarra, særandi ummæli og nafnaköll, beinar munnlegar eða líkamlegar hótanir, aukið vinnuálag, niðrandi skírskotun til aldurs, kyns eða litarháttar, persónulegar móðganir, háð, árásargirni, stöðugar breytingar á vinnuaðferðum eða vinnutíma, skemmdarverk, tafir í vinnu, útilokun frá veislum, fundum eða ferðum og jafnvel kynferðisleg áreitni.
HVERS VEGNA: Einelti getur átt sér stað á hvaða vinnustað sem er, einnig þar sem vinnuaðstæður eru taldar til fyrirmyndar. Þó eru ýmsir þættir sem geta stuðlað að einelti á vinnustað, t.d. þegar samkeppni meðal starfsmanna er mikil, ótti er við uppsagnir, öfund ríkir meðal starfsmanna, stöðuhækkanir eru á kostnað annarrra, skortur er á þjálfun starfsmanna, lítil virðing er borin fyrir öðrum og skoðunum þeirra, vinnuaðstæður eru slæmar eða henta illa, breytingar eru gerðar á skipulagi, vinnuálag er of mikið, markmiðin of háleit, stjórnun ómarkviss eða í formi valdbeitingar og upplýsingaflæði lélegt.
AFLEIÐINGARNAR: Afleiðingar eineltis valda áfallastreituskaða hjá þolandanum. Hann getur t.d. upplifað kvíða, skapsveiflur, ótta, biturð, örvæntingu, hefndarþorsta, minnimáttarkennd, öryggisleysi, andúð á vinnu, skerta sjálfsbjargarviðleitni, hjálparleysi, þunglyndi, þráhyggju, minnkað sjálfsálit, rýrt traust til náungans, félagslega einangrun, minnkandi vinnuafköst, þverrandi trú á framtíðina, höfnunartilfinningu, sjálfsmorðshugleiðingar, svefnleysi og streitutengda sjúkdóma s.s. höfuðverk, vöðvabólgu o.m.fl.
Það er ekki einungis sá sem verður fyrir eineltinu sem skaðast. Fjölskylda þolanda er hið ósýnilega fórnarlamb eineltis þar sem álagið á hana eykst. Í 14% til 20% tilfella má rekja sjálfsmorð til til þess að viðkomandi var fórnarlamb eineltis.
Athygli á þessum grafalvarlegumálum hefur verið vakin hjá ýmsum sveitarstjórnarmönnum, t.d í Reykjavík og forvígismönnum stéttarfélaga, við jákvæðar undirtektir og einnig hjá starfsfólki innan geðheilbrigðisstétta, þjóðkirkjunnar, félagsþjónustunnar og víðar.
Komi upp einelti, valdníðsla og hvers konar áreiti meðal karla og kvenna í menntastofnunum landsins, vantar tilfinnanlega að tekið sé faglega á málum. Við vekjum jafnframt athygli á því, að meðan ekki er tekið föstum tökum á þessum málaflokki og fullorðið fólk innan skólastofnanna er ekki meðvitað um eigin hegðun, verður einelti meðal nemenda í skólastofum landsins.
Til frekari upplýsinga bendi ég á eftirfarandi aðila:- Vinnueftirlit ríkisins vinnueftirlit@ver.is -Jafnréttisstofa jafnretti@jafnretti.isLiðsmenn Jerico www.jerico.is
-Í nærveru sálar, á www.inntv.is
Fyrir hönd, Samstarfshóps um Vinnuvernd á Íslandi,
Helga Björk Magnúsd. Grétudóttir, Liðsmaður Jerico.
------------------------------------------------------------------------------------------------------------------------------------------------
Innlent | mbl.is | 14.7.2009 | 12:17
Skylda til að kanna einelti
Róbert Ragnar Spanó er settur Umboðsmaður Alþingis.
Umboðsmaður Alþingis hefur komist að þeirri niðurstöðu að jákvæð og bein skylda geti hvílt á ráðherra að taka eineltismál á vinnustað til umfjöllunar. Ýmis kvörtunarmál hafa borist embætti Umboðsmanns Alþingis sem tengjast einelti á vinnustað og voru þau tilefni þess að Umboðsmaður ákvað að kanna að eigin frumkvæði hvort og hvaða skyldur hvíldu á ráðherra til að bregðast við slíkum tilvikum með raunhæfum og virkum hætti.
Umboðsmaður rakti ákvæði 2., 13. og 14. greinar stjórnarskrár og sagði að af þeim leiddi að ráðherrar færu með æðsta vald í stigskiptri stjórnsýslu og hefðu eftirlit og bæru ábyrgð á starfsemi ráðuneyta og þeirra stjórnvalda sem teldust lægra sett gagnvart ráðherra.
Umboðsmaður taldi að almennt væru þær skyldur sem ákvæði laga um aðbúnað og hollustuhætti á vinnustöðum og reglugerðar um einelti á vinnustöðum settu á atvinnurekanda á höndum forstöðumanns opinberrar stofnunar. Hins vegar yrði að huga nánar að sérstöðu hins opinbera. Benti umboðsmaður á að ráðuneyti gæti á grundvelli stjórnunarheimilda sinna tekið mál til umfjöllunar að eigin frumkvæði. Ráðuneytið hefði hins vegar ekki aðeins heimild til slíks heldur gæti einnig hvílt jákvæð athafnaskylda á því í ákveðnum tilvikum.
Þessi skylda byggðist á grundvelli yfirstjórnunar- og eftirlitsheimilda þegar fyrir lægi að mati ráðuneytis að þess hefði ekki verið gætt um nokkurn tíma í starfsemi undirstofnunar að haga innra skipulagi hennar og málsmeðferð, hvort sem væri inn á við gagnvart starfsmönnum stofnunar, eða út á við gagnvart borgurunum, með þeim hætti sem áskilið væri í lögum.
Umboðsmaður hafði jafnframt átt í bréfaskriftum við heilbrigðisráðuneytið þar sem ráðuneytið lýsti því yfir að það teldi ekki í hlutverkahring sínum að hafa „bein afskipti" af einstökum starfsmannamálum eða taka „beina afstöðu" til ágreinings í slíkum málum. Ráðuneytið taldi þessa afstöðu sína fyllilega í samræmi við lög. Umboðsmaður var á öðru máli.
---------------------------------------------------------
Fréttablaðið, 16. júl. 2009 03:30
Ráðuneyti rannsaki ásakanir um einelti
Heilbrigðis- og tryggingamálaráðuneytið Þegar heilbrigðismál og tryggingamál heyrðu undir sama ráðherra og tiltekin eineltismál komu upp var ráðuneytið síðast til húsa á Laugavegi.Fréttablaðið/Rósa
„Ásökun starfsmanns um að forstöðumaður opinberrar stofnunar beiti sig einelti eða bregðist ekki við einelti annarra starfsmanna, á almennt séð að gefa ráðherra tilefni til að kanna með sjálfstæðum hætti hvort grundvöllur sé fyrir slíkri ásökun," segir í áliti umboðsmanns Alþingis.
Að því er fram kemur í áliti Róberts Spanó, setts umboðsmanns Alþingis, fór heilbrigðis- og tryggingaráðuneytið, sem þá var, ekki að lögum í tilvikum sem snertu meint eineltismál í undirstofnunum ráðuneytisins. Ekki verði fallist á að það viðhorf ráðuneytisins að hafa ekki bein afskipti af einstökum starfsmannamálum eða taka beina afstöðu til ágreinings í slíkum málum, sé alltaf í samræmi við lög.
„Ráðuneyti beri að taka með beinum og skýrum hætti afstöðu til þess hvort skylda hvíli á því til að grípa til raunhæfra og virkra úrræða í þessu sambandi á grundvelli yfirstjórnunar- og eftirlitsheimilda sinna. Það er því ennfremur niðurstaða mín að ekki sé fullnægjandi, eins og lýst er í bréfi ráðuneytisins til umboðsmanns Alþingis, að ráðuneytið láti við það sitja að taka á móti starfsmönnum sem vilja ræða samskiptamál á vinnustöðum og hlusta á sjónarmið þeirra. Ráðuneytið verður á grundvelli yfirstjórnunar- og eftirlitsheimilda sinna, eftir atvikum að eigin frumkvæði, að gera viðhlítandi ráðstafanir til að upplýsa það hvort grundvöllur sé fyrir ásökunum starfsmanna gagnvart forstöðumönnum stofnana," segir umboðsmaður.
Athugun umboðsmanns var gerð að hans eigin frumkvæði eftir að nokkur erindi höfðu borist honum á undanförnum árum vegna meintra eineltismála hjá opinberum stofnunum. Fram kemur að leiði rannsókn í ljós að fótur sé fyrir eineltismálum sé þeim ráðherra sem viðkomandi stofnun heyrir undir skylt að leita úrræða til að leysa vandann. Þau geti bæði verið almenn eða sértæk eftir aðstæðum.
„Sem dæmi um sértæk úrræði getur ráðuneyti, ef brýn nauðsyn krefur, gefið forstöðumanni undirstofnunar á grundvelli yfirstjórnunar- og eftirlitsheimilda fyrirmæli varðandi einstök mál, það getur kallað tiltekið mál til sín, ef ekki er um að ræða ákvörðun sem lög áskilja að sé tekin hjá undirstofnun í fyrstu atrennu, og jafnvel sett annan mann í embætti forstöðumanns til að leysa úr því tiltekna máli ef þess er þörf vegna eðlis ágreinings," segir umboðsmaður Alþingis.
Bloggar | 30.7.2009 | 10:00 (breytt kl. 10:16) | Slóð | Facebook | Athugasemdir (0)
1. Fundur 14.07.09 um eineltismál í Heilbrigðisráðuneytinu!
2. Að sögn Höllu Gunnarsd. í Heilbr. í síðustu viku, verður haft samband við okkur með haustinu og við verðum, höfð með í ráðum. Mikil og gagnleg vinna hefur átt sér stað í kjölfar fundarins 16. júní. - Heilbrigðisráðuneytið, telur að grasrótin skuli sjálf standa á bak við hugsanlegt átak. "Í minningu fallinna eineltisþolenda" - Einelti drepur! Að það sé sterkara. En hef samt óskað eftir samráði ýmsissa varandi það.
- Mikið hefur verið talað um að efla allar boðleiðir og að fylgja þeim lögum og reglum sem fyrir eru.
3. Þór G. í Félags- og tryggingamálaráðuneytinu, sagði að mikil endurskoðun væri í gangi og þeirri vinnu ekki lokið.
|
Skylda til að kanna einelti |
| Tilkynna um óviðeigandi tengingu við frétt | |
Bloggar | 14.7.2009 | 22:19 (breytt 15.7.2009 kl. 11:21) | Slóð | Facebook | Athugasemdir (1)
Í framhaldi af umræðufundi um eineltismál sem var haldinn hér í menntamálaráðuneyti þann 16. júní sl., sendast ykkur eftirtalin gögn:
1. Niðurstöður SVÓT- greiningar um eineltismál.
2. Þátttakendalisti.
3. Hugmyndir um sérsveit gegn einelti frá Liðsmönnum Jerico
Með bestu kveðju,
Erla Ósk Guðjónsdóttir stjórnarráðsfulltrúi, skrifstofa menntamála.
Hugmyndastefna um einelti
16. júní 2009
SVÓT greining
Veikleikarnir eru;
Reglugerð um aðgerðir um einelti
Ekki fara í mál einstaklinga
Veik staða eineltisþola
Vanmat á vandanum í samfélaginu
Meðvirkni / aðgerðarleysi
Agalseysi til staðar í stofnunum
Reglugerð
Fjármagnsleysi•
Fullorðnir taka ekki þá ábyrgð sem þeim ber að taka
Ofbeldi sem viðgengst í samfélaginu
Skortur á upplýsingaflæði til foreldra
Það þarf stöðugt að vaka yfir Olveusaráætluninni
Vinna þarf meira með kennara
Meira af fyrirbyggjandi aðgerðum
Nærsamfélög vinna saman
Það vantar meiri vitundarvakningu í þjóðfélagið - fjölmiðla
Vantar einhvern sem getur tekið utan um fólk sem verður fyrir einelti á vinnustað
Vanmáttur að fylgja eftir eineltisáætlunum
Fræðsla til barna ónóg
Einelti víðar en í skólum
Endurmeta þarf Olveusar verkefnið
Smærri vinnustaðir hafa ekki sama bolmagn og stærri staðir
Styrkja þarf kennaramenntun/endurmenntun
Erfitt um vik í erfiðum málum
Stéttarfélög - náin tengs geranda við yfirmann á vinnustað
Vantar gagnsæi í að sjá hvernig málin eru meðhöndluð í raun á vinnustaðnum
Vantar eftirfylgni við áætlanir
Byrjað vel að vinna úr málum vantar eftirfylgd
Rödd þolanda heyrist síður
Of lítið hlustað á foreldra
Rafræn boð ekki sýnileg - erfitt að takast á við þá hluti
Ómarkviss umræða
Inngrip í eineltismál er erfitt - mönnum finnst þeir þurfa að taka afstöðu með og á móti
Lítið samfélag
Eineltisáætlunum ekki alltaf framfylgt
Útbreidd meðvirkni
Samskipti á milli aðila ekki nógu markviss
Veik sveitafélög - ekki nógu sterk félagsleg þjónusta
Almennir starfsmenn - fræðsla um einelti - starfsmannastefna fyrirtækja
Lífsleikni í skólum - leggja þarf meiri áherslu á framkomu og ræðumennsku
Krakkar of feimin
Rangar áherslur í menntakerfinu
Óljós mörk á milli átaka og eineltis - eðlilegra skoðanaskipta og eineltis
Of lítil umræða um einelti meðal fullorðinna
Fámennið í litlum byggðarlögum og fámennum skólum
Einelti fær of litla umfjöllun
Afskiptaleysi og þöggun er ekki kærleikur
Ógnanir;
Umburðarlindi fyrir stríðni í íslensku samfélagi
Mismunandi virðing borin fyrir fólki
Skortur á fjármagni til grasrótarsamtaka
Viðhorf
Afneitun
Skortur á fræðslu í menntun kennara
Misjafnar aðferðir í vinnubrögðum
Skortur á fjármagni einstaklinga til þess að leita sér hjálpar
Ómarkvisst starf - enginn sem á þetta. Það vill enginn eiga eineltismál.
Minna fjármagn til skóla vegna efnahagsástandsins
Minnst menntaða fólkið að sinna þeim sem minnst mega sín
Aukin hætta á heimilisofbeldi og neyslu á heimilum
Kreppan meðvirkni í samfélaginu fjölmiðlar s.s. eins og sjónvarspþættir sem ýta undir einelti
Þekkingin er etv ekki nógu góð
Mismunun á milli þéttbýlis og landsbyggðar
Minna fjármagn til að kaupa sérfræðiþjónustu sem þarf til í þessum málum, m.a. hjá sveitafelögum
Veik staða þolanda
Sterk hagsmunatengsl og þögn
Óskýr ábyrgð á málaflokk
Minni gæsla í frímínútum vegna sparnaðar í kreppu
Íþróttafélög - fræða þarf ungt fólk meira
Ein áætlun bjargar ekki heiminum
Skortur á heildrænni nálgun
Horfa á lausnir
Styrkleikar;
Reglugerð um aðgerðir um einelti
Ráðgjöf fyrir foreldra á vegum Sjónarhóls
Stuðningur í samfélaginu fyrir því að vinna gegn einelti
Grunnur til staðar í samfélaginu meðal starfsfólks og nemenda (Olveusar verkefni)
Öflugir bakhjarlar
Aðgengi að börnum á grunnskólaaldir
Möguleikar til forvarna
Olveusaráætlun og ýmis verkfæri í öllu því efni sem gefið er út á Íslandi
Skýrt kveðið á um eineltismál í aðalnámsskrá grunnskóla
Forvarnar og eineltisáætlanir í skólum
Mjög gott fræðsluefni
Öflug grasrótasamtök
Rannsóknir til sem byggja má á
Áhættumat á vinnustöðum
Skólar duglegir að setja upp eineltisáætlanir
Virk hagsmunasamtök
Þátttaka í Olveus vaxandi
Einelti minnkandi á unglinga stigi
Stórar stofnanir komið upp
Hugmyndastefna um einelti
Ný lög um leikskóla, grunnskóla og framhaldsskóla - augljós áhersla á velferð barna sem ætti að
endurspeglast í aðalnámsskrá
Markviss þjálfun kennara
Lög frá vinnueftirliti um öryggistrúnaðarmenn
Aðhald
Vinna með fullorðnum til að hjálpa börnum
Vakning hjá almenningi um eineltismál
Lítil þjóð og fámenn
Mikið til af efni og þekkingu
Áætlun Olveusar
Styrkleiki í umræðunni
Fáar stofnanir sem gera boðleiðir stuttar
Þekking og kunnátta til staðar
Eineltismál á dagskrá
Mikil fræðsla
Þekking á málaflokknum
Forvarnar og eineltisáætlanir í skólum
Rannsóknir og kannanir sem við eigum að geta nýtt okkur
Góð kerfi / grunnur sem má byggja á
Vilji til góðra verka
Samtök eins og Heimili í skóli
Aukin fagmenntun inni í skólum, fleiri fagstéttir sem geta unnið vel með kennurum
Uppbyggingarstefna í skólum
Tækifæri;
Ný tækni
Alþjóðleg verkefni og samstarf
Góðar heildstæðar aðferðir sem verið er að taka upp víða t.d. ART hugmyndafræði á suðurnesjum
Fleiri fagstéttir tilbúnar að koma að málum.
Umræða í samfélaginu.
Stuðningur ráðuneyta
Nýta það sem vel er gert t.d. hvernig unnið var með vímuefnaneyslu í grunnskólum.
Ný lög um leik-, grun og framhaldsskóla
Netið er tækifæri og vettvangur fyrir okkur
Styrkja stöðu einstaklinga á vinnumarkaði
Styrkja menntun allra sem koma að uppeldi og menntun foreldra
Styrkja lífsleikni í skólum og jafnréttisfræðslu
Sérsveit
Tækifæri í að styrkja foreldra í uppeldishlutverki
Áhersla á samvinnu og teymisvinnu milli skólastiga / kennara
Eineltisafbrotadeild hjá Lögreglu
Samstarf við dómsmálaráðuneytinu
Grasrótarsamtök
Leggj spurningakönnun fyrir alla skóla einu sinni á ári til að taka stöðuna
Vitundarvakning sem þarf að keyra upp
Þverfagleg teymi sem veita aðhald skólunum
Þverfagleg og þverstofnanalega samvinna
Mynda sér verklag í eineltismálum
Símanúmer sem fólk getur hringt í
Nýta betur niðurstöður rannsókna
Horfa heildrænt á skólann og ná þannig betur til foreldra, kennara og nemenda
Metna í að styrkja þá fullorðnu. Ef þeim líður vel þá líður börnum vel . Bæði kennarar og foreldrar
Aukin áhugi fyrir mannlegum samskiptum í samfélaginu
Átak eins og hjólað í vinnuna - sem er alltaf sett í gang einu sinni á ári
Mikil þekking til staðar í skólum sem þarf að nýta betur
Koma á áhættumati í stofnunum
Rekstraraðilar þurfa að hafa skýra ferla og fjármagn til að taka á eineltismálum
Nýta rannsóknir til að efla forvarnir
Nýta frumkvöðlastarf - verða fyrirmynd. Við höfum allt með okkur, löggjöf og innviði
samfélagsins. Tengist inn á mörg svið.
Könnun fyrir alla.
Fleira starfsfólk í skólum en kennarar það þarf almennt fræðslu um einelti og birtingamyndir þess
Auka samvinnu þeirra sem eru að vinna með einelti
Hafa samskonar fund fyrir skólastjórnendur og þá sem eru að framfylgja þessum málum í skólum
og stofnunum
Tækifæri í efla alla í samskiptunum - veita meiri ráðgjöf og styðja þá sem eru að vinna eftir
eineltisáætlunum
Tækifæri í að þjálfa sálfræðinga og félagsráðgjafa og annað starfsfólk í tengslum við eineltismál
Skýra farvegi, verkferla, hverjir bera ábyrgð ofl
Skólastig / sveitafélög eru komin misjafnlega langt á veg. Skapa þarf meiri yfirsýn yfir hvað
sveitafélög eru að gera
Tækifæri í að efla starf í framhaldsskólum. Engin yfirsýn yfir hvort skólar hafa sett sér
viðbragðsáætlanir varðandi einelti
Stuðningur KÍ við þolendur eineltis - það vantar stuðningnet utan um þolendur.
Stéttarfélög geta byggt upp aukið samstarf kerfa
Virkja kerfi og efni inni í skólum - byrja strax með 6 ára börnin
Leggja áherslu á forvarnir
Virkja alla sem starfa í skólum í að koma í veg fyrir einelti, barnvænna samfélag í kreppu
Ábyrgð foreldra
Bók - Saman í sátt. Þar er könnun sem er hægt að leggja fyrir
Stéttarfélög veiti hlutlausa lögfræði aðstoð
Áfallateymi - einn aðgangur
Náms og starfsráðgjöf í skólum - réttur nemenda
Margar ólíkar nálganir í skólum
Ná betur til foreldra alveg upp í 18 ára.
Bloggar | 8.7.2009 | 14:05 | Slóð | Facebook | Athugasemdir (0)
Ég er lúmskari en nokkur trúir og veit hvernig ég næ bestum árangri hvar sem er, hvenær sem er, hvernig ég næri mig best.
Ég þarf alltaf meira og meira af sársauka í kring um mig, til að fylla mig af þessari dásamlegu tilfinningu sem fer um mig þegar ég sé sársaukann og heyri sársaukann í fórnarlömbunum mínum.
Ég veit ég á ekki að gera þetta en þetta gefur mér ótrúlegt vald yfir vinum mínum og fórnarlömbum.
Það er dásamlegt að kúga og ógna og þó svo að ég sé staðinn að verki þá skiptir það ekki svo miklu máli.
Ég þarf kannski að biðja fyrirgefningar og hlusta á tiltal en um leið og ég biðst fyrirgefningar sendi ég fórnarlambinu mínu svipinn sem það þekkir svo vel og brýt það enn betur niður svo fer ég út og held áfram.
Lífið er dásamlegt og stútfullt af fórnarlömbum.
Ég er eineltisgerandi, nærist á ofbeldi.
Í dag er nákvæmlega 1 ár síðan sonur minn dó, síðan baráttan hófst í nafni Jerico.
Mig langar til að segja ykkur frá því hvernig nafnið á Samtökum foreldra eineltisbarna og uppkominna þolenda, Liðsmenn Jerico er tilkomið.
Jerico var notendanafn Lárusar sonar míns á netinu.
Það síðasta sem hann hafði fyrir augunum áður en hann tók líf sitt þann 21. júní síðasta sumar var uppi á skjánum á tölvunni hans undir notandanafni hans, Jerico.
Ljót og niðurlægjandi svör fólks við spurningu sem hann setti inn á spjallsíðu.
Það síðasta sem við vitum er að hann setti inn ósk klukkan tæplega tvö um nóttina þar sem hann bað fólk að hætta að kommenta á stafsetninguna sína en gefa sér frekar ráð.
Svör fólksins til Jerico voru það sem blasti við mér daginn eftir atburðinn. Svör sem ég gleymi aldrei, tilfinning sem ég gleymi aldrei. Þetta var það síðasta sem Lárus sat við og las áður en hann tók líf sitt. Þetta hefur sært okkur meira en orð fá lýst.
Kaldhæðnin gat ekki verið meiri. Drengur sem þurfti að þola ofbeldi í sinni ljótu mynd í skóla, ofbeldi sem braut hans sjálfsmynd í mola og fylgdi honum eins og svartur skuggi allt hans líf og felldi hann að lokum.
Það sem gerðist svo í kjölfarið gaf mér styrk og það var að á þessari sömu spjallsíðu var opnuð síða þar sem fólk gat heiðrað og minnst Jerico.
Þangað inn fór ég oft á dag næstu daga og vikur til að sækja styrk því þar skrifaði fjöldinn allur af fólki þá mestu fegurð sem ég þurfti á að halda.
Í hans nafni starfa Liðsmenn Jerico, Samtök foreldra eineltisbarna og uppkominna þolenda.
Fyrir alla þá sem þurfa að þjást vegna eineltisofbeldis og skilningsleysis.
Með þær skelfilegu afleiðingar sem ég held að fólk almennt geri sér ekki grein fyrir, hversu mikil heilsufarsleg áhrif það hefur í för með sér fyrir þá allt þeirra líf, eða fyrir tengslum eineltis og sjálfsvíga.
Hvernig afleiðingarnar leggjast á alla fjölskylduna.
Umræðan um afleiðingar eineltisofbeldis hefur opnast, fræðsla og upplýsingar hafa aukist - Fordómar eru á undanhaldi.
Netsamfélagið er órofa hluti af samfélaginu, við þurfum öll að gera okkur grein fyrir því að það er veruleiki Íslands og það er líka vegna þess sem við erum í þessari baráttu núna.
Aðgát skal höfð í nærveru sálar.
Fólk er farið að átta sig á að þolendur eineltisofbeldis eru ekki aumingjar heldur er verið að gera þá að aumingjum.
Kynnt var hugmynd 16.06.09 að sérsveit/fagteymi á fundi hjá menntamálaráðuneyti með ráðuneytum, stofnunum, samtökum og félögum allsstaðar að úr íslensku samfélagi.
Fagteymi sem verður að hafa fullt sjálfstæði í vinnubrögðum og með hvaða hætti það velur að vinna í málum enda sérhvert mál sérstakt og útheimtir þar af leiðandi mismunandi útfærslur. (Sjá nánar inni á jerico.is)
Ég vil sjá að í allri uppeldismenntun sé eineltisfræðsla í grunnnámi skylduáfangi.
Ég vil sjá að Barnaverndarnefndir um allt land fái verkfæri til að vinna með gerendur í eineltismálum og fjölskyldur þeirra, að Barnaverndarnefndir fái tilkynningar um gerendur og fjölskyldur þeirra til að vinna með.
Gerendurnir eru vandamálið og það þarf að hjálpa þeim að vinna á sínum vanda.
Þetta tel ég vera forvörn.
Fullorðnir þolendur eineltisofbeldis eiga sér engan málsvara. Það er enginn sem tekur að sér einstakt mál sem berst til þeirra stofnana sem fólki er þó bent á að snúa sér með úrlausn.
Það batnar ekki þegar þolandi telur í sig kjark til að tilkynna einelti sem hann verður fyrir og fær það svart á hvítu fyrir framan sig að úrlausnaraðilinn sem hann er sendur til kemur til með að taka líka að sér að verja gerandann.
Hvert er réttlætið þar? Hvar eru mannréttindin þá?
Er hægt að niðurlægja fólk eitthvað frekar? Já með því að sannfæra þolendurna um að þeir eigi ekki möguleika á að vinna málið til þess sé sönnunarbirgði þeirra of mikil.
Skiptu frekar um vinnustað eða láttu þetta yfir þig ganga.
Ég bara skil ekki hvernig fólk getur þagað yfir einelti sem það verður vitni að, verður fyrir sjálft eða börnin þeirra. Ég bara skil það ekki hvernig fólk getur haft það á samviskunni.
Talið, látið vita.
Einelti drepur.
Bloggar | 21.6.2009 | 12:00 | Slóð | Facebook | Athugasemdir (1)
Sérsveit gegn einelti. - Lagt fyrir samráðsfund þriggja ráðuneyta, í Menntamálaráðuneytinu 16. Júní 2009, ásamt Heilbrigðisráðuneytinu og Félagsmálaráðuneytinu. Að viðstöddum Katrínu Jakobsdóttur, menntamálaráðherra og Ögmundi Jónassyni heilbrigðisráðherra, auk Þórs G. Þórarinssonar skrifstofustjóra Félags- og tryggingamálaráðuneytisins, ásamt aðstoðarmönnum ráðherra og fleira góðu fólki.
Barn á rétt á að líða vel í skólanum sínum.
Hér er sett fram hugmynd um hvernig hægt er að virkja utanaðkomandi fagteymi til að leysa eineltismál sem skóli ræður ekki við að leysa.
Alveg eins og foreldrum ber að tryggja öryggi barna sinna á heimili, ber skólanum að tryggja öryggi þeirra á skólatíma. Fleiri skólar en færri, tel ég, að sinni þessari skyldu með sóma. Með reglulegu millibili berast þó tíðindi af því að barn hafi orðið fyrir ítrekuðu ofbeldi, andlegu og eða líkamlegu, af hálfu skólafélaga sinna. Langvarandi einelti er víst til að skilja eftir sig rjúkandi sálarrústir, jafnvel eyðileggingu til lífstíðar.
Það er tímabært að horfa af fullri alvöru á þá staðreynd að enda þótt flestir skólar fylgi eineltisáætlun, sumum hverjum þaulrannsökuðum og vel útfærðum, þá ráða ekki allir skólar við að leysa úr þyngstu eineltismálunum sem upp koma. Ástæðan fyrir því að skólar eru svo misútbúnir eða mishæfir til að takast á við þennan vágest má vafalaust rekja til ýmissa þátta í innviðum þeirra s.s. stjórnunarhátta, stefnu/stefnuleysis eða þeirri sérstöku menningu sem hver og einn skóli býr yfir.
Fyrir liggur að eineltismál koma reglulega upp í skólum landsins. Sé ekki gripið inn í strax með faglegum hætti ná sum þeirra að skjóta rótum og festa sig í sessi. Því lengur sem einelti fær að viðgangast því erfiðara getur reynst að stöðva það. Það er ekki fyrr en búið er að stöðva ofbeldið sem hægt er að byrja að vinna úr afleiðingunum. Því fyrr sem tekst að stöðva eineltið því meiri líkur eru á að hægt sé að hjálpa þolandanum að ná aftur fyrri sjálfsstyrk og öryggi.
Mikið hefur verið rætt um þessi mál undanfarin misseri sérstaklega þegar opinberast fyrir almenningi slæmt tilvik um langvinnt einelti sem ekki hefur tekist að stöðva og vinna úr. Þá er algengt að upphefjist kröftug umræða um að nú þurfi að gera eitthvað enn róttækara í baráttunni gegn einelti. Forráðamenn þolanda, fagfólk og fullorðnir þolendur eineltis rísa upp og krefjast úrræða sem virka. Þing eru jafnvel haldin, farið er á fundi ráðamanna; ráðherra, sviðsstjóra, deildarstjóra og annarra sem hafa með þennan málaflokk að gera hverju sinni í sveitarfélagi og í ráðuneytum. Greinar eru skrifaðar, bloggheimar loga og viðtöl tekin við þolendur, forráðamenn og jafnvel stjórnvöld.
Þegar mál af þessum toga komast í fréttirnar eru dæmi um að birt séu viðtöl við aðstandendur sem hafa lýst því hvernig skólinn sem um ræðir hafi brugðist á meðan skólayfirvöld þessa sama skóla fullyrða að unnið hafi verið í málinu með viðhlítandi hætti. Sem sagt, orð gegn orði. Það er einmitt þegar fréttir á borð við þessar berast sem upp kemur sú spurning hvort ekki skorti viðbótarúrræði sem hægt er að grípa til þegar málið er komið í rembihnút.
Vissulega hefur heilmikið þokast áfram til betri vegar undanfarin ár. Æ fleiri skólar hafa aukið áherslur sínar á forvarnir og fyrirbyggjandi aðgerðir. Vitað er að í mörgum skólum er rætt við börnin um jákvæð samskipti og að þeim beri að koma vel fram hvert við annað. Einnig hefur þeim skólum fjölgað sem hafa eineltisáætlanir. Margir skólar endurskoða auk þess áætlanir sínar reglulega og endurbæta það ferli sem eineltismál fara í, komi þau upp.
Sérsveitarhugmyndin í baráttunni gegn einelti
Með einföldum hætti hægt að búa til úrræði í formi sérstaks fagteymis. Teymi sem þetta verður að hafa fullt sjálfstæði í vinnubrögðum og með hvaða hætti það velur að vinna í málum enda sérhvert mál sérstakt og útheimtir þar af leiðandi mismunandi útfærslur. Teymið er fyrst og fremst hugsað sem úrræði í þeim eineltismálum sem einhverjum skóla hefur ekki borið gæfu til að leysa málið hvort heldur að mati forráðamanna þolanda og/eða skólans sjálfs. Það er brýnt að nefna hér að með hugmyndinni um sérstakt fagteymi er ekki hugsunin að taka ábyrgðina af skólastjórnendum eða ógna sjálfstæði þeirra á nokkurn hátt.
Þegar talað er um að vinna í máli er ekki einungis átt við að eineltið stöðvist heldur einnig er reynt að skoða þann jarðveg sem það átti upptök sín í, persónur og leikendur og loks að binda þannig um hnútana að málið virðist ekki einungis fullunnið á yfirborðinu heldur hafi jafnframt orðið viðhorfa,- og atferlisbreyting hjá þeim sem hlut áttu að máli. Í þessu felst að skoða þarf aðdraganda og birtingamynd þess, ræða við gerendur og þolanda, forráðamenn beggja og fylgja málinu eftir þar til fyrir liggur að þolandanum sé ekki lengur hætta búinn í skólaumhverfinu. Sé teymið kallað út að beiðni forráðamanna þolanda mun það setja sig í samband við viðkomandi skóla, óska eftir samvinnu við skólastjórnendur og fagaðila hans um að leysa málið í sameiningu.
Ávinningur fyrir skólastjórnendur að geta leitað til teymisins
Gera má því skóna að einhverjum skólastjórnendum þætti ávinningur í að leita til utanaðkomandi fagteymis. Í sumum tilvikum gæti það jafnvel nægt að teymið veitti viðkomandi skólastjórnendum leiðbeiningar og ráðgjöf um hvernig hugsanlega megi bregðast við ástandinu og hvaða skref væri líkleg til að skila árangri.
Eðli málsins samkvæmt er það fyrirsjáanlegt að hugmynd um sérstakt utanaðkomandi fagteymi getur ekki orðið að veruleika nema með milligöngu stjórnvalda. Til að teymið geti borið sig að með skilvirkum hætti er nauðsynlegt að það hafi greiðan aðgang að skólanum og þeim sem tengjast málinu með einum eða öðrum hætti. Teymið þarf að fá aðstöðu til að taka viðtöl í viðkomandi skóla og geta treyst á samvinnu við skólastjórnendur og starfsfólk skólans. Samvinna fagteymis og viðkomandi skóla skiptir öllu máli ef takast á að uppræta einelti með árangursríkum hætti.
Börn er börn til 18 ára aldurs
Sú hugmynd sem hér hefur verið reifuð getur allt eins nýst í framhaldsskólum eins og grunnskólum. Allt þar til 18 ára aldri er náð ber forráðamönnum og samfélagi að sameinast um að tryggja einstaklingum öruggt umhverfi þar sem einstaklingurinn getur notið sín. Hugmyndin um sérstakt fagteymi hefur einnig verið mátuð við veruleika fullorðinna.
Fullorðnir - Allir eiga rétt á vinnu, samkvæmt Félagssáttmála Evrópu.
Eins og alkunna er, koma reglulega upp alvarleg eineltismál á vinnustöðum þ.t.m. kynferðislegt áreiti. Hvernig tekið er á málum af þessum toga veltur í öllum tilvikum á vilja og ákvörðun yfirmanna.
Vinnueftirlit ríkisins ber að hafa eftirlit með því að aðbúnaður á vinnustöðum sé í samræmi við lög nr. 46/198O. Eineltislöggjöfina nr. 1000/2004 og og ákvæðum um reglugerð 200 nr. 920/2006 og evrópusaminga um aðgerðir gegn einelti við vinnu.
Samkvæmt Jafnréttislögum á þolandinn lagalegan rétt, er varðar öfuga sönnunarbyrði. Ekki má segja starfsmanni upp fyrr en ári seinna, en þá sannanlega á öðrum forsendum en tengist kvörtun þolandans. Framkvæmd og úræðum er ábótavant, þrátt fyrir skýrleika laganna.
Um Jafnréttisstofu segir:"Samkvæmt lögum nr. 10/2008, um jafna stöðu og jafnan rétt kvenna og karla, er það eitt af hlutverkum Jafnréttisstofu að vinna að forvörnum gegn kynbundnu ofbeldi í samstarfi við önnur stjórnvöld og samtök sem sinna slíkum forvörnum sérstaklega". - (En að sögn Kristínar Ástgeirsdóttur framkvæmdastýru Jafnréttisstofu er þeim það fyrirmunað, vegna fjárskorts).
Sé yfirmaður eða atvinnurekandinn sjálfur gerandi í máli sýna dæmin að fátt bíði þolandans annað en að yfirgefa vinnustaðinn. Leiti þolandi eineltis á vinnustað eftir ráðgjöf síns stéttarfélags finnst sá meinbugur, þegar kemur að eineltismálum að stéttarfélög geta ekki einskorðað sig við að sinna einum starfsmanni umfram öðrum, hvort heldur hann er þolandi eða gerandi.
Sé kvörtun beint til Vinnueftirlits ríkisins vegna eineltis, fara mál í ákveðin farveg. Sem er að eftirlitsmaður fer á vinnustaðinn eftir ákveðin dagafjölda og gerir úttekt. Að ákveðnum tíma liðnum er málum vísað aftur, til Vinnustaðarins til úrlausnar. Hugsanlega kaupir vinnustaðurinn oft vinnustaðasálfræðinga til verksins og ræður hvort hann fer eftir niðurstöðu þeirra. En hinsvegar ef mengunarslys verða, eða skemmdir á húsnæði, kemur Vinnueftirlitið, samdægurs á vettvang.
Þrátt fyrir lög, reglugerðir og verkferlisslýsingar er staðan oft sú, að þolandi sem leggur fram kæru um einelti, er ekki tekin trúanlegur og er látinn njóta vafans, líkt og hefur átt sér stað hjá þolendum sifjaspella og nauðgana. Þessu hefur einnig verið líkt við það að ef ráðist væri á starfsmann í söluturni og hann settur í gíslingu, á meðan ofbeldismaðurinn er látinn ganga laus.
Með öðrum orðum nær hugmyndafræði og aðgerðir t.d. Vinnueftirlitsins ekki nema hálfa leið þar sem ekki er gengið í að vinna í málinu á einstaklingsgrundvelli með hagsmuni þolandans að leiðarljósi. Vissulega er það valmöguleiki fyrir þolandann að sækja mál sitt fyrir dómstólum. Allir þeir sem eitthvað þekkja til þessara mála vita að sú leið er ekki bara kostnaðarsöm heldur afar tyrfin. Eftir situr einstaklingurinn með málið óuppgert en með allar þær fjölmörgu skaðlegu afleiðingar sem sýnt hefur verið fram á að einelti geti valdið svo sem félagslegt óöryggi og brotna sjálfsmynd.
Það er ekki skrýtið að fólk spyrji:
- Af hverju sitja sumir lögfræðingar stéttarfélaga báðu megin borðsins eða jafn vel hringinn í kringum borðið?
- Af hverju hlutast ekki allir forsvarsmenn stéttarfélag til um einelti og kynferðislegt ofbeldi á vinnustöðum?
- Af hverju er það þolandinn sem nær undantekningalaust látinn víkja jafnt sem í skólum og á vinnustöðum?
- Af hverju er skýrsla vinnustaðasálfræðinga, eignverkkaupa eða yfirmanna vinnustaða?
- Af hverju er ekki ljóst hvað verður um skýrslurnar, hverjum og hvað megi birta, hvar og hvenær?
- Af hverju er jafnræðisregla íslensku stjórnarskrárinnar ekki virt?
- Af hverju tala peningarnir, þegar reynir á íslenskt réttarfarskerfi?
Sérsveitin er í raun áfallateymi, sem þarf að bregðast við samdægurs, eins og þegar snjóflóð fellur á landsbyggðina. Þá er ríkisstjórnin ræst út, björgunarsveitir á lofti, láði og legi og heilbrigðisstéttir eru settar í viðbragðsstöðu. Rauði Kross Íslands setur í gang viðbragðsáætlun, og lögreglan er við öllu búin. Prestar eru tilbúnir til að sinna sálgæslu, landsmenn liggja á bæn, óháð trúarbrögðum, milli vonar og ótta að megi bjarga mannslífum. - Þá er ekki spurt út í kostnað.
Samantekt
Lykilatriði til að hægt sé að hrinda þessari hugmynd í framkvæmd er að stjórnvöld standi að baki fagteymisins. Auk sveitarfélaga er um að ræða heilbrigðisráðuneytið enda staðfest að langvinnt einelti er afar líklegt til að leiða til alvarlegs heilbrigðisvandamáls. Menntamálaráðuneytið er yfirstofnun allra skóla landsins og þar sem einelti er samfélagslegt vandamál, er ekki hægt að líta fram hjá félagsmálaráðuneytinu í baráttunni gegn einelti.
Til að fagteymi sem þetta takist að afla sér trausts meðal fólks er mikilvægt að það sé leitt af þaulreyndum fagaðila, sálfræðingi (sérfræðingi) sem hefur langa og gæfuríka reynslu af því að vinna í málum af þessum toga. Aðrar fagstéttir sem búa yfir þekkingu og reynslu í þessum málum eru t.a.m. námsráðgjafar, félagsráðgjafar, kennaramenntað fólk og lög- og prestlærðir einstaklingar.
Komi fagteymið að eineltismáli hvort heldur forráðamenn eða skóli kalli það til er meginmarkmið þess að leita leiða til lausna á einstaklingsgrundvelli, hverjar svo sem lausnir þess kunna að verða. Teymið vinnur með hagsmuni þolandans(allra sem málinu tengjast?) að leiðarljósi og mikilvægt er að hann og forráðamenn hans viti og finni í reynd að málið hafi verið unnið til þrautar með faglegum hætti.
Nánari útfærsla
Hugmyndin er að verkefnið verði sett á laggirnar haustið 2009 og sé tilraunaverkefni til a.m.k. tveggja ára. Eitt ár dugir varla þar sem það gæti tekið tíma að kynna teymið þannig að sem flestir viti af tilvist þess. Umsjónarmaður teymisins er ráðinn sérstaklega í t.d. hálft starf. Fólkið sem hann getur kallað til liðs við sig kæmi síðan frá öðrum stofnunum og væri þar af leiðandi nú þegar á launaskrá. Hér væri um að ræða skilgreindar stofnanir undir þeim þremur ráðuneytum sem nefnd hafa verið að komi e.t.v. að verkefninu. Þær stofnanir sem koma til greina eru þær sem hafa yfir að ráða einstaklingum með menntun á sviði uppeldis,- menntunar,- félags,- og sálfræði sem og skyldum greinum og sem hafa auk þess yfirgripsmikla reynslu í að vinna með fólk í krefjandi málum. Hver og ein stofnun gæti lagt til 1-2 aðila í allt að 10 tíma á viku allt eftir því hversu mörg mál teymið hefur til vinnslu hverju sinni. Því fleiri stofnanir sem taka þátt í verkefninu, því minna álag verður á einstaka stofnun. Fyrirmynd af þessu fyrirkomulagi er t.d. Fjölskyldumiðstöð Reykjavíkur.
Teymið þarfnast vinnuaðstöðu og aðgang að ritara. Kostnaður gæti einnig komið til vegna útkalla utan að landi. Hægt er að fá einhverja hugmynd um einstaka kostnaðarliði vegna slíkra ferða hjá stofnunum eins og Stuðlum og Barnahúsi en þær senda reglulega fagfólk út á land til að fylgja eftir málum. En vissulega færi kostnaður fyrst og fremst eftir málafjölda sem teymið sinnti út á landsbyggðinni hverju sinni.
Umsjónarmaður teymisins
Umsjónarmaður teymisins eða sá sem heldur utan um það þarf að vera fagaðili, sálfræðingur með langa reynslu að baki við að vinna í krefjandi málum á borð við eineltismál. Hann þarf að vera skilvirkur í vinnubrögðum, ákveðinn, öruggur, næmur, skipulagður, geta unnið sjálfstætt, verið fær í að greina fólk og aðstæður og finna leiðir sem leiða til ásættanlegra lausna hverju sinni. Hann þarf að hafa góða yfirsýn og geta handleitt annað fagfólk teymisins.
Kynning á teyminu
Kynna þarf fagteymið sérstaklega fyrir foreldrum grunnskólabarna og skólastjórnendum. Því betur sem teymið er kynnt því meiri líkur eru á að fólk átti sig á að hægt sé að beina máli í þennan farveg telji það sig ekki fá úrlausn mála sinna innan skólans. Nú þegar eru e.t.v. einhverjir foreldrar og börn sem hafa verið lögð í einelti farin að kvíða næsta vetri. Telji þessir foreldrar að mál barna sinna séu enn óuppgerð þrátt fyrir aðgerðir skóla geta þeir sett sig í samband við teymið strax í haust verði þessi hugmynd að veruleika. Hversu mikill kostnaður vegna kynningarinnar er erfitt að segja á þessu stigi en gera má því skóna að um sé að ræða byrjunarkostnað frekar en viðvarandi kostnað þar sem úrræðið er nýtt af nálinni. Fé mætti e.t.v. sækja í forvarnarsjóði eða deila niður á ráðuneytin.
Þörfin fyrir sérstakt fagteymi þegar til lengri tíma er litið
Gera má ráð fyrir að ef vel tekst til að kynna þetta úrræði, muni teymið e.t.v. fá mörg verkefni inn á borð til sín fyrstu 1-2 árin. Ekki er ósennilegt að dragi fljótt úr verkefnafjölda nema þeim málum sem reynast óvenju þung og viðamikil. Fækkun á útköllum teymisins yrði í samræmi við aukna virkni og ábyrgð skóla sem munu að öllum líkindum leggja sig meira fram um að leysa mál án utanaðkomandi inngrips. Vel má ímynda sér að teymi eins og hér er lýst geti þannig virkað sem ákveðið aðhald og þrýstingur á skólastjórnendur að gera enn betur á þessu sviði. Þeir skólar sem sannarlega þarfnast hjálpar við vinnslu þessara mála munu e.t.v. verða aðstoðinni fegnir.
Ingibjörg Helga Baldursdóttir kennari og stofnandi Jerico - http://www.jerico.is/
Helga Björk Magnúsd. Grétudóttir tónlistarkennari, Samstarfshóp um Vinnuvernd á Íslandi og liðsmaður Jerico - songholl@internet.is
Kolbrún Baldursdóttir, kliniskur sálfræðingur og liðsmaður Jerico. - Í nærveru sálar, á http://inntv.is/Horfa%C3%A1%C3%BE%C3%A6tti/%C3%8Dn%C3%A6rverus%C3%A1lar/tabid/367/Default.aspx
Bloggar | 18.6.2009 | 12:46 (breytt 19.6.2009 kl. 08:24) | Slóð | Facebook | Athugasemdir (0)
Næsti fundur okkar um „Sérsveitarhugmyndina í eineltismálum" með stjórnendum ráðuneyta og stofnana verður þriðjudaginn 16. Júní 2009 í menntamálaráðuneytinu.
Tryggja þarf að hugmyndin sé unnin á landsvísu þannig að hún virki úti á landsbyggðinni jafnt sem á höfuðborgarsvæðinu.
Eineltismál eru að grassera án þess að utanum þau náist og mörg skilja eftir sig eyðileggingu til lífstíðar. Dæmi eru um að sagt sé frá því að skóli hafi jafnvel hunsað að horfast í augu við alvarlegt eineltismál eða telji að unnið hafi verið í því með viðunandi hætti enda þótt aðstandendur þolanda fullyrði að málið hafi ekki fengið viðhlítandi afgreiðslu. Það er í svona tilvikum sem fólk fyllist vanmætti og spurt er hvort ekki sé neitt við ráðið?
Sérsveitarhugmynd til lausnar
Það er með einföldum hætti hægt að búa til kerfi í formi teymis sem hægt væri að virkja samstundis ef skóli hefur ekki geta leitt einstakt eineltismál til lykta. Hér er mikilvægt að taka fram að með þessari hugmynd er ekki verið að taka ábyrgðina af skólastjórnendum sem vissulega eru ávallt þeir fyrstu sem fá málið á borðið til sín. Grunnhugmyndin er sú að fagteymi sem þetta verði einungis virkjað sé það mat foreldra þolanda að skólinn hafi ekki ráðið við að stöðva eineltið þannig að þolandanum finnst hann öruggur í skólanum. Sé teymið kallað út að beiðni foreldra þolanda mun það setja sig í samband við viðkomandi skóla, óska eftir samvinnu við skólastjórnendur og fagaðila hans við að leyða málið til eins viðunandi lausnar og hugsast getur.
Í sumum tilvikum gæti nægt að teymið veiti skólayfirvöldum og fagfólki ráðgjöf og leiðbeiningar um hvernig best sé að bregðast við og hvaða skref sé nauðsynlegt að taka í átt til lausnar. Teymið mun þó ekki sleppa hendi af þolandanum fyrr en staðfest hefur verið af honum og foreldrum hans að búið sé að stöðva eineltið, ræða við alla aðila málsins og að gera allt sem hægt er að gera til að tryggja öryggi barnsins í skólanum.
Vegna þess að ákvarðavald skólastjórnenda er mikið og að grunnskólar hafa almennt séð mikið sjálfsstæði getur þessi hugmynd ekki orðið að veruleika nema með milligöngu stjórnvalda. Sé skólastjórnendum ekki gert af yfirmönnum sínum að vera í samvinnu við fagteymið óski foreldri eftir liðsinni þess er ekki hægt að tryggja að það hafi aðgang á vettvang. Samvinna fagteymis og viðkomandi skóla skiptir öllu máli ef takast á að uppræta eineltismálið sem um ræðir.
Börn er börn til 18 ára aldurs
Þessi sama hugmynd hefur jafn mikið gildi í framhaldsskólum eins og grunnskólum. Allt þar til 18 ára aldri er náð ber okkur sem samfélag, foreldrar og skóli að tryggja einstaklingum öruggt umhverfi þar sem þau geta látið sér líða vel, verið afslöppuð og örugg. Þessi hugmynd hefur einnig verið mátuð inn í heim fullorðinna. Eins og alkunna er koma upp tilvik um einelti á vinnustöðum þar á meðal kynferðislegt áreiti. Enda þótt Vinnueftirlitið og stéttarfélög hafa reynt að leiðbeina þolendum og atvinnurekendum í málum sem þessum geta hvorugir þessara kerfa unnið í málinu ef svo má að orði komast. Ástæðan er einfaldlega sú að þeim ber að gæta hagsmuna meints geranda allt eins og meints þolanda, m.o.ö. sitja beggja vegna borðs.
Bloggar | 11.6.2009 | 17:35 (breytt kl. 18:11) | Slóð | Facebook | Athugasemdir (1)
Efni
RSSNýjustu færslur
- 30.10.2009 Við erum til staðar
- 8.10.2009 Kærleiksstundin okkar var fullkomin.
- 8.10.2009 Þelamerkurskóli - Hlaupið og gengið gegn einelti
- 7.10.2009 Öflugri og aðgengilegri geðheilbrigðisþjónusta
- 6.10.2009 Viltu bjóða mér í hjarta þitt.
- 3.10.2009 Geðþóttamat og feluleikur-Hvernig viltu láta minnast þín?
- 30.9.2009 Kærleiksstund með ljúfum tónum í þágu eineltisþolenda og aðst...
- 9.9.2009 Minningarstund vegna sjálfsvíga
- 9.9.2009 Glæsileg umfjöllun í Fréttablaðinu í dag bls. 16
- 3.9.2009 Síðdegisútvarpið Rás 2
- 3.9.2009 Þelamerkurskóli í Hörgárbyggð þroski, menntun og samkennd.
- 1.9.2009 Upplýsandi fréttafluttningur, stútfullur af fróðleik og áhuga.
- 31.8.2009 Hjólað gegn einelti.
- 12.8.2009 Velferð íslenskra barna - sóknarfæri á umbrotatímum
- 30.7.2009 Til ráðherra og alþingismanna!
Spurt er
Bloggvinir
-
thrainnlar
-
asdisemilia
-
aslaugosk
-
binna
-
danjensen
-
disadora
-
gudrunb
-
jodua
-
jogamagg
-
lehamzdr
-
magga
-
mydogs
-
ofurskutlan
-
ringarinn
-
supermamma
-
ollana
-
joninaros
-
roslin
-
adhdblogg
-
domubod
-
asgerdurjoh
-
berglindnanna
-
birgitta
-
gattin
-
skordalsbrynja
-
brandarar
-
dunni
-
eddabjork
-
elisabeta
-
fifudalur
-
milla
-
ninna
-
skjolid
-
imbalu
-
ibb
-
joninathorbjorg
-
kolladogg
-
lis
-
matti-matt
-
huldumenn
-
sigurlauganna
-
ollasak
-
sur
-
fugla
-
audurvaldis
-
icekeiko
-
disagud
Myndaalbúm
Nýjustu myndir
Heimsóknir
Flettingar
- Í dag (16.3.): 1
- Sl. sólarhring: 8
- Sl. viku: 40
- Frá upphafi: 34255
Annað
- Innlit í dag: 1
- Innlit sl. viku: 30
- Gestir í dag: 1
- IP-tölur í dag: 1
Uppfært á 3 mín. fresti.
Skýringar
